Na rekanstrukcyju aŭtadarohi Minsk—Hrodna Suśvietny bank vydzialaje $250 młn
Suśvietny bank vydzialaje 250 młn. dołaraŭ na rekanstrukcyju aŭtadarohi M6 Minsk — Hrodna, paviedamiŭ kiraŭnik pradstaŭnictva Suśvietnaha banka (SB) u Biełarusi Jan Čuł Kim 29 lipienia padčas cyrymonii pačatku rabot pa rekanstrukcyi aŭtadarohi.
Pavodle jaho słoŭ, heta samy bujny prajekt z udziełam Suśvietnaha banka ŭ Biełarusi.
Jak paviedamlaje dziaržaŭnaje infarmacyjnaje ahienctva BiełTA, udzieł u cyrymonii ŭziali namieśnik prem`ier-ministra Biełarusi Anatol Kalinin i pieršy namieśnik ministra transpartu i kamunikacyj Alaksiej Aŭramienka.
Kiraŭnik pradstaŭnictva padkreśliŭ, što biełaruskija padradčyki vyjhrali konkurs u prajekcie, jaki finansujecca Suśvietnym bankam, na budaŭnictva aŭtadarohi. I biełaruskija padradčyki vystupili ŭ jakaści hienpadradčyka. «Raniej bank pracavaŭ nad madernizacyjaj aŭtadarohi M5. Praktyčna 99% rabot pa jaje rekanstrukcyi vykonvali biełaruskija kampanii», — adznačyŭ Jan Čuł Kim. Pavodle jaho słoŭ, biełaruskija kampanii mohuć adpaviadać samym vysokim standartam i patrabavańniam, jakija prad`iaŭlaje Suśvietny bank u svaich prajektach.
Pry realizacyi prajekta pa rekanstrukcyi aŭtadarohi M6 buduć prymianiacca samyja sučasnyja technałohii, jakija prymianialisia pry madernizacyi darohi M5, skazaŭ Jan Čuł Kim, naprykład sistema dynamičnaha ŭzvažvańnia. Jaje ŭstanoŭka dazvolić uzvažvać hruzavy aŭtatranspart bieź jaho spynieńnia.
Zaviaršyć raboty płanujecca ŭ vieraśni 2018 hoda.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary