Mienski haradzki sud razhladzieŭ kasacyjnuju skarhu advakataŭ Siarhieja Parsiukieviča i nie zadavoliŭ jaje. Prysud ustupiŭ u siłu.
Siarhiej Parsiukievič budzie adbyvać termin u škłoŭskaj papraŭčaj kałonii.
Viciebski pradprymalnik Siarhiej Parsiukievič, jaki asudžany na dva z pałovaj hady pa abvinavačańni ŭ źbivańni supracoŭnika staličnaha centra izalacyi pravaparušalnikaŭ, budzie adbyvać termin u papraŭčaj kałonii № 17 (Škłoŭ, Mahiloŭskaja vobłaść).
Jak paviedamiła BiełaPAN žonka pradprymalnika Natalla Parsiukievič, ab hetym joj stała viadoma 30 maja ranicaj. Kali mienavita muža etapujuć sa śledčaha izalatara Žodzina (Smalavicki rajon Minskaj vobłaści) u škłoŭskuju kałoniju, u słužbie daviedki izalatara joj nie paviedamili.
***
Mienski haradzki sud razhladzieŭ kasacyjnuju skarhu advakataŭ Siarhieja Parsiukieviča. Jak paviedamiła Radyjo Svaboda advakat Viera Stramkoŭskaja, skarhu nie zadavolili, prysud ustupiŭ u siłu.
Nahadajem, 23 krasavika sud Maskoŭskaha rajonu Miensku asudziŭ staršyniu Rady pradprymalnikaŭ Smalenskaha rynku Viciebsku Siarhieja Parsiukieviča na 2,5 hoda źniavoleńnia. Aproč taho, jon musić vypłacić milicyjantu Alaksandru Dułubu 1 miljon rubloŭ kampensacyi: pavodle śledztva, u turmie na Akreścina Parsiukievič nibyta źbiŭ achoŭnika. Svajoj viny Parsiukievič nie pryznaje i tłumačyć pieraśled palityčnymi pryčynami.
Ciapier čytajuć
Što Babaryka i Kaleśnikava adkazali na pytańni pra vajnu100
Kamientary