Kniha-intervju papy Franciška «Imia Boha — Miłasernaść» (Il nome di Dio è Misericordia) źjaviłasia pa-biełarusku.
Inicyjataram vydańnia vystupili: Viciebskaja dyjacezija — mienavita joj Vatykanskaje vydaviectva i italjanskaje vydaviectva «Piemme» pieradali pravy na biełaruski pierakład, — Hreka-katalickaja parafija śviatamučanika Jazafata ŭ Połacku i Biełaruskaja redakcyja Vatykanskaha radyjo. Darečy, pierakłaŭ knihu supracoŭnik apošniaj, Alaksandr Pančanka. Jana vyjšła ŭ vydaviectvie «Miedysont» nakładam 950 asobnikaŭ. Padtrymaŭ vydańnie knihi-intervju Papski fond «Dapamoha Kaściołu ŭ patrebie».
«U razmovie z vatykanistam Andrea Tarnijeli papa Francišak, praz uspaminy z maładości i kranalnyja epizody sa svajho pastyrskaha dośviedu, tłumačyć pryčyny abviaščeńnia Nadzvyčajnaha Śviatoha Hodu Miłasernaści. U kožnaj staroncy knihi adčuvajecca prahnieńnie dasiahnuć usich tych, jakija šukajuć sens žyćcia, šlach supakoju i prymireńnia, acaleńnia duchoŭnych i fizičnych ranaŭ. Nie ŭpuskajučy z uvahi etyčnyja i bahasłoŭskija pytańni, Francišak padkreślivaje, što Kaścioł nie moža začyniać dźviery ni pierad kim», - havorycca ŭ anatacyi da knihi i dadajecca, što jana «pryznačana dla šyrokaha koła čytačoŭ».
Nabyć knihu možna budzie ŭžo praz tydzień. Upieršyniu jana źjavicca ŭ kijoskach na ŭračystaściach u honar Maci Božaj Vaładarki Azioraŭ u Brasłavie, jakija projduć 19-20 žniŭnia.
Tam adbudziecca i jaje prezientacyja, jakuju praviadzie ks. d-r Mikałaj Cichanovič, jaki byŭ kansultantam jaje biełaruskaha pierakładu.
***
Suśvietnaja premjera knihi-intervju «Imia Boha — Miłasernaść» prajšła ŭ Rymie 12 studzienia 2016 h. Heta, praktyčna, razmova, jakuju pravioŭ z Papam italjanski žurnalist-vatykanist Andrea Tarnijeli, zadajučy Francišku 40 pytańniaŭ.
Kamientary