Siarod kandydataŭ u Saviet Respubliki ad Minskaj vobłaści źviartaje na siabie ŭvahu imia Viktara Sirenki — namieśnika staršyni Minskaha abłvykankama. Nahadajem, vybary ŭ Saviet Respubliki sioleta biezalternatyŭnyja, padčas ich zaćviardžajucca ŭsie prapanavanyja pretendenty.
Doktar Viktar Sirenka atrymaŭ sumnuju viadomaść u noč z 19 na 20 śniežnia 2010 hoda. Jon, tahačasny kiraŭnik balnicy chutkaj dapamohi, dazvoliŭ śpiecsłužboŭcam vyvieźci z balnicy źbitaha kandydata ŭ prezidenty Uładzimira Niaklajeva.
Mienavita Sirenka źmianiŭ dyjahnaz Niaklajeva. Spačatku paetu pastavili dyjahnaz «zakrytaja čerapna-mazhavaja traŭma lohkaj stupieni, hiematomy levaj arbity, udary miakkich tkanak». Praz paru hadzin, kali kandydata ŭ prezidenty ŭžo vykrali, Sirenka vydaŭ daviedku, u jakoj dyjahnaz «čerapna-mazhavaja traŭma» nie značyŭsia.
Nieŭzabavie doktar pačaŭ padnimacca pa karjernaj leśvicy vyšej. Jon staŭ kiraŭnikom kamiteta pa achovie zdaroŭja Minharvykankama, paśla pierajšoŭ na anałahičnuju pasadu ŭ Minabłvykankamie.
Da apošniaha času Sirenka pracavaŭ namieśnikam staršyni Minabłvykankama Siamiona Šapiry.
Sirenka byŭ uklučany ŭ śpis nieŭjaznych u Jeŭrasajuz, adnajmienny piersanaž źjaviŭsia ŭ knizie «Były syn» Alaksandra Filipienki.
* * *
Jak staršynia kamiteta pa achovie zdaroŭja Minharvykankama Sirenka siem chvilin kruciŭ hałavoj u adkaz na pytańni
* * *
Viktar Sirenka
Naradziŭsia ŭ 1962 hodzie ŭ Barysavie. U 1986 hodzie skončyŭ Minski dziaržaŭny miedycynski instytut, u 2009 hodzie — Akademiju kiravańnia.
U 1986 pa 2002 hod pracavaŭ u Barysaŭskaj haradskoj balnicy na roznych pasadach.
U 2002-2003 — hałoŭny doktar Minskaj abłasnoj kliničnaj balnicy.
U 2004-2007 — hałoŭny doktar Haradskoj stancyi chutkaj miedycynskaj dapamohi.
U 2007-2011 — hałoŭny doktar Haradskoj kliničnaj balnicy chutkaj miedycynskaj dapamohi (Minsk)
U 2011-2014 — staršynia kamiteta pa achovie zdaroŭja Minskaha harvykankama.
U 2014-2015 — načalnik upraŭleńnia achovy zdaroŭja Minskaha abłvykankama.
Z 29 studzienia 2015 — namieśnik staršyni Minskaha abłvykankama.
Jak ciapier vyhladaje palitźniavoleny Ihar Łosik FOTA4
Kamientary