Kandydat u deputaty Pałaty pradstaŭnikoŭ ad Biełaruskaj sacyjał-demakratyčnaj partyi (Hramada) Ihar Masłoŭski damohsia publikacyi ŭ rehijanalnaj haziecie «Viačerni Brest» svajoj pieradvybarnaj prahramy.
Jak paviedamiŭ Masłoŭski, jana bieź jakich-niebudź źmianieńniaŭ nadrukavanaja ŭ numary haziety, jaki vyjšaŭ 24 žniŭnia.
Raniej «Viačerni Brest» admoviŭsia publikavać jaho pieradvybarnuju prahramu. Padstavaj staŭ zaklik da vybarščykaŭ nie padtrymlivać kandydataŭ ad ułady.
U pryvatnaści, u prahramie kandydata havorycca: «Nie padtrymlivajcie na vybarach uračoŭ, vajennych i inšych dobrych ludziej — jany kandydaty ad ułady. Usie jany dobryja ludzi, pakul na svaim miescy, ale ŭsie jany zaležnyja ad načalstva i pieratvarajucca ŭ «drennych» deputataŭ! Hetyja «dobryja» ludzi hałasujuć za toje, što im skažuć. Mienavita ź ich maŭklivaj zhody pavysili piensijny ŭzrost, pazbavili stažu tych, chto słužyŭ u armii, byŭ u dekretnym adpačynku, vučyŭsia va ŭniviersitecie i h.d. Mienavita jany padtrymali padatak na biespracoŭnych i ničoha nie zrabili dla stvareńnia novych pracoŭnych miescaŭ».
Z adkazu, padpisanaha vykanaŭcaj abaviazkaŭ redaktara haziety, vynikała, što heta «moža być rasceniena jak abraza ŭ adras ludziej roznych prafiesij». Kandydatu było prapanavana źmianić farmuloŭku.
«Piśmovuju admovu my atrymali 16 žniŭnia. Na nastupny dzień ja źviarnuŭsia z vusnaj skarhaj u akruhovuju vybarčuju kamisiju, dzie zarehistravany kandydatam u deputaty, — skazaŭ Masłoŭski. — Praz dva dni mnie patelefanavali i zapeŭnili, što prahrama budzie apublikavanaja tak, jak ja jaje napisaŭ».
Na dumku Masłoŭskaha, hazieta pierastrachavałasia.
«U ŚMI, zasnavalnikami jakich źjaŭlajucca dziaržstruktury, uładu nie krytykujuć. Ale ja liču, takaja krytyka pavinna być normaj, kab ułada viedała mierkavańnie svaich apanientaŭ, a hałoŭnaje, adekvatna na jaho reahavała», — zajaviŭ palityk.
Staršynia Bresckaj abłasnoj arhanizacyi sacyjał-demakrataŭ Ihar Masłoŭski zarehistravany kandydatam u deputaty ŭ Bresckaj-Pahraničnaj vybarčaj akruzie № 4.
Ciapier čytajuć
Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu22
Kamientary