Biełaruski eks-čempijon UFC u ciažkaj vazie Andrej Arłoŭski pravioŭ čarhovy boj minułaj nočču. Supiernikam byŭ amierykaniec Džoš Barnet (taksama čempijon z prystaŭkaj «eks»). Dla biełarusa ŭsio skončyłasia niaŭdała.
Džoš Barnet pieramoh Andreja Arłoŭskaha, «zadušyŭšy».
«Boj atrymaŭsia dynamičnym — šmat udaraŭ, kroŭ. Usio jak my lubim! U pieršym raŭndzie była dosyć roŭnaja baraćba — i ŭ Arłoŭskaha, i ŭ Barneta prajšło pa niekalki vielmi dobrych udaraŭ. Biełarus navat pravioŭ tejkdaun. Adnak, jak ni dziŭna, pieršaja kroŭ taksama źjaviłasia na tvary ŭ Andreja», — piša pra boj «Trybuna».
«Druhi raŭnda zastaŭsia całkam za Barnietam. U druhoj pałovie piacichvilinki Džoš sieŭ na Arłoŭskaj viercham i pačaŭ absypać udarami. Paśla honha «Pitbul» navat nie adrazu pajšoŭ u svoj kut. U trecim raŭndzie Arłoŭski ledź nie «uvaskros». U biełarusa prajšła paračka vielmi mocnych udaraŭ. Pryčym paśla adnaho ź ich Barnet surjozna papłyŭ i navat adviarnuŭsia da supiernika śpinoj. Ale na dabivańnie sił u Andreja nie chapiła. U vyniku Džoš pieravioŭ našaha bajca ŭ parter, nanios niekalki udaraŭ i zaviaršyŭ spravu ŭdušeńniem».
Heta ŭžo treciaja paraza Arłoŭskaha zapar. U mai jon techničnym nakaŭtam sastupiŭ u Amsterdamie svajmu partnioru pa kłubu Alistaru Avierymu.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary