Беларускі экс-чэмпіён UFC у цяжкай вазе Андрэй Арлоўскі правёў чарговы бой мінулай ноччу. Супернікам быў амерыканец Джош Барнэт (таксама чэмпіён з прыстаўкай «экс»). Для беларуса ўсё скончылася няўдала.
Джош Барнэт перамог Андрэя Арлоўскага, «задушыўшы».
«Бой атрымаўся дынамічным — шмат удараў, кроў. Усё як мы любім! У першым раўндзе была досыць роўная барацьба — і ў Арлоўскага, і ў Барнэта прайшло па некалькі вельмі добрых удараў. Беларус нават правёў тэйкдаун. Аднак, як ні дзіўна, першая кроў таксама з'явілася на твары ў Андрэя», — піша пра бой «Трыбуна».
«Другі раўнда застаўся цалкам за Барнетам. У другой палове пяціхвілінкі Джош сеў на Арлоўскай верхам і пачаў абсыпаць ударамі. Пасля гонга «Пітбуль» нават не адразу пайшоў у свой кут. У трэцім раўндзе Арлоўскі ледзь не «уваскрос». У беларуса прайшла парачка вельмі моцных удараў. Прычым пасля аднаго з іх Барнэт сур'ёзна паплыў і нават адвярнуўся да суперніка спіной. Але на дабіванне сіл у Андрэя не хапіла. У выніку Джош перавёў нашага байца ў партэр, нанёс некалькі удараў і завяршыў справу ўдушэннем».
Гэта ўжо трэцяя параза Арлоўскага запар. У маі ён тэхнічным накаўтам саступіў у Амстэрдаме свайму партнёру па клубу Алістару Аверыму.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары