Kamitet dziaržaŭnaha kantrolu nie atrymlivaje ad bankaŭ infarmacyi ab układach fizičnych asob i ich płaciažach pa kartkach. Pra heta havorycca ŭ kamientaryi KDK da apublikavanaj u kancy žniŭnia pastanovy, jakoj uniesieny źmieny ŭ instrukcyju ab paradku pradstaŭleńnia ŭ departamient finansavaha manitorynhu KDK Nacbankam i bankami Biełarusi infarmacyi ab bieznajaŭnych płaciažach u biełaruskich rublach i zamiežnaj valucie.
«Kamitet dziaržaŭnaha kantrolu adznačaje, što praduhledžanyja pastanovaj źmieny nie źviazanyja z atrymańniem dadatkovaj infarmacyi pa płaciažach, što ažyćciaŭlajucca fizičnymi asobami. Tak, departamient finansavaha manitorynhu nie atrymlivaje ad bankaŭskaj sistemy infarmacyi ab apieracyjach pa rachunkach (układach, depazitach) fizičnych asob, bieznajaŭnych raźlikach za tavary (pasłuhi) z vykarystańniem bankaŭskich płastykavych kartak u biełaruskich rublach, kredytach, u tym liku na spažyvieckija patreby», — padkreślivajecca ŭ kamientaryi.
Adznačajecca, što ŭ adpaviednaści z hetaj pastanovaj značeńni parohavych sum płaciažoŭ pryviedzieny z ulikam denaminacyi, praviedzienaj 1 lipienia 2016 hoda. Pry hetym pamier parohavych sum płaciažoŭ, źviestki pa jakich padajucca ŭ departamient finansavaha manitorynhu, źmienieny tolki ŭ dačynieńni da Nacyjanalnaha banka (panižany z 500 da 300 rubloŭ) i ciapier adpaviadaje značeńniam parohavych sum płaciažoŭ, źviestki pa jakich padajucca inšymi bankami.
«Pamier parohavaj sumy, pry pieravyšeńni jakoj źviestki padajucca ŭ departamient finansavaha manitorynhu, dla inšych bankaŭ zastaŭsia raniejšym», — ukazvaje KDK.
Razam z tym pašyrany pieralik subjektaŭ, jakija pavinny pieradavać infarmacyju ab takich płaciažach: ciapier heta taksama abaviazany rabić Bank raźvićcia i niabankaŭskija kredytna-finansavyja arhanizacyi.
«Atrymany masiŭ infarmacyi hałoŭnym čynam analizujecca na pradmiet ažyćciaŭleńnia finansavych apieracyj arhanizacyjami i fizičnymi asobami, datyčnymi da terarystyčnaj dziejnaści, a taksama heta infarmacyja vykarystoŭvajecca z metaj vyjaŭleńnia arhanizacyj i asob, jakija majuć dačynieńnie da atrymańnia abo lehalizacyi dachodaŭ, atrymanych złačynnym šlacham», — padkreślivajecca ŭ kamientaryi.
Načalnik milicyi Brahina stralaŭ u svaju žonku. Jana cudam vyžyła9
Kamientary