«Ja ŭschvalavanaja, heta pryjemnaja navina, dziakuj usim, chto dapamahaŭ: inicyjatyŭnaj hrupie, davieranym asobam, žurnalistam», — zajaviła BiełaPAN namieśnik staršyni Tavarystva biełaruskaj movy imia Franciška Skaryny Alena Anisim, jakaja, pavodle papiarednich dadzienych, vyjhrała vybary ŭ Pałatu pradstaŭnikoŭ pa Staŭbcoŭskaj vybarčaj akruzie № 70.
«Kali sychodzić z taho, jak pracavali kandydaty ŭ akruzie, to maja pieramoha zakanamiernaja, ale ja nie mahła być upeŭnienaja na 100%, bo vybary — vielmi niepradkazalny praces. Ludzi nie zaŭsiody hałasujuć za prahramu», — adznačyła Anisim. Pavodle słoŭ pieramožnicy, jana šmat jeździła pa rajonie i razmaŭlała ź ludźmi.
U jakaści deputata Anisim pierš za ŭsio zojmiecca prasoŭvańniem zakona ab dziaržaŭnaj padtrymcy biełaruskaj movy.
«Ja išła na vybary ad arhanizacyi, jakaja raspracavała prajekt hetaha zakona. My prapanoŭvali jaho deputatam ciapierašniaha sklikańnia, ale nie atrymali padtrymki. Viadoma, budu šukać u parłamiencie prychilnikaŭ», — skazała surazmoŭnica.
Z členam Abjadnanaj hramadzianskaj partyi Hannaj Kanapackaj, jakaja taksama prajšła ŭ PP NS, Anisim jašče nie znajomaja. «Dumaju, pa niekatorych pazicyjach u nas budzie adzinaja dumka», — vykazała mierkavańnie jana.
Na pytańnie, ci nie źjaŭlajecca jaje prachodžańnie ŭ parłamient plonam pieramoŭ pamiž aficyjnym Minskam i Zachadam, Anisim zajaviła: «Mnie składana adkazać. Pradmietna na hetuju temu mohuć havaryć tolki kampietentnyja asoby. Ja takoj infarmacyjaj nie vałodaju».
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary