Apošnim dniami pačali cyrkulavać čutki, što adzin z kaardynataraŭ «Chartyi-97» Andrej Sańnikaŭ choča ŭznačalić Partyju BNF i stanie jaje vyłučencam na nastupnych prezydenckich vybarach. Častkova heta čutki paćviardžajuć sami partyjcy. NN.BY źviarnułasia da samoha palityka.
Apošnim dniami pačali cyrkulavać čutki, što adzin z kaardynataraŭ «Chartyi-97» Andrej Sańnikaŭ choča ŭznačalić Partyju BNF i stanie jaje vyłučencam na nastupnych prezydenckich vybarach. Častkova heta čutki paćviardžajuć sami partyjcy.
Siońniašni staršynia BNF Lavon Barščeŭski kaža, što «havaryć pra novaha kiraŭnika arhanizacyi pakul niasvoječasova». «Adzinaje, ja viedaju toje, što Sańnikaŭ sapraŭdy ŭziaŭ blank dla ŭstupleńnia ŭ Partyju. Ale heta ŭsio mocna pierabolšanaje», – kaža Barščeŭski.
Namieśnik staršyni Partyi BNF Alaksiej Janukievič kankretyzuje: «Adkul źjavilisia čutki, što Sańnikaŭ choča stać staršyniom Partyi, ja nia viedaju. Heta ŭsio ž bolš domysły, čym realnaja perspektyva. Što da vyłučeńnia Sańnikava kandydatam u prezydenty ad BNF, to heta dosyć realna. Nakolki ja viedaju, bližejšym časam jon źbirajecca ŭstupić u BNF i ŭnieści svaju kandydaturu ŭ śpis vyłučencaŭ na prezydžnckija vybary. Jak ja liču, čym bolš kandydataŭ, tym lepš. Pahladzim, ci padtrymajuć Sańnikava našy partyjcy».
Nahadajem, što raniej pra žadańnie balatavacca ŭ prezydenty ad Partyi BNF zajavili namieśnik staršyni Aleś Michalevič i prafesar Jury Chadyka.
«Ja biespartyjny čałaviek, nikudy ŭstupać nie źbirajusia. A plotki kamentavać nie chaču», — skazaŭ «NN» sp.Sańnikaŭ.
Nakolki nam stała viadoma, sustrečy miž Barščeŭskim i Sańnikavym usio ž adbyvalisia. Tolki niezrazumieła, ci dali jany žadany vynik. U lubym vypadku ŭsio heta moža prajaśnicca jašče letam, kali adbudziecca pazačarhovy źjezd BNF dla vyłučeńnia kandydataŭ na parlamenckija vybary.
* * *
Andrej Sańnikaŭ naradziŭsia ŭ Miensku ŭ 1954 h. Skončyŭ Mienski dziaržaŭny linhvistyčny ŭniversytet. U 1982—1985 h. pracavaŭ u Sakrataryjacie AAN u Ńju-Jorku. Paśla skančeńnia Maskoŭskaj dyplamatyčnaj akademii ŭ 1989 h. — u Ministerstvie zamiežnych spravaŭ Biełarusi. Z 1993 pa 1995 h. pracavaŭ daradcam misii Biełarusi ŭ Ženevie. U 1995 h. pryznačany namieśnikam ministra zamiežnych spravaŭ Biełarusi. Ź listapada 1996 h. staŭsia mižnarodnym kaardynataram hramadzkaj inicyjatyvy “Chartyja'97”. Maje dyplamatyčny ranh pasła. Žanaty, maje syna.
Kamientary