Papularnaha błohiera Jaŭhiena Lipkoviča zabanili ŭ fejsbuku za iraničny kamient pra «hraznych žydoŭ»
Błohier Jaŭhien Lipkovič na praciahu bližejšaha miesiaca nie zmoža pisać u svaim akaŭncie na fejsbuku. Heta ŭžo treci za hod «ban» publicysta.
«Pieršy raz na tydzień zabanili za stary dopis 2004 hoda. Paśla ŭ žniŭni napisaŭ pra našaha alimpijskaha čempijona ŭ batucie Hančarova, što ŭ jaho ŭ sportzale byŭ łozunh: «Chto nie skača, toj maskal». Napisana było na biełaruskaj movie. Zabanili za heta na miesiac.
Jość taki chłopiec — Dźmitryj Chamak, jon stvaralnik papularnaha sajta Łurkmorje, jaki ŭ Rasii zabanieny «Roskomnadzorom». Dzima napisaŭ z nahody rasijskich vybaraŭ: «Spasaj niemytuju Rośsiju!», abyhryvajučy Lermantava.
Ja abyhraŭ pa-inšamu: «Ratuj niamytuju Rasiju, bi hraznych žydoŭ», napisaŭ taki kamient. Niechta imhnienna nastukaŭ na mianie — i ŭ vyniku ban na 30 dzien».
«Heta ironija i luby redaktar heta zrazumieje, — aburajecca Jaŭhien Lipkovič, — Kali redaktar — čałaviek».
«Z fejsbukam sprava ciažkaja, absalutna nie zrazumieła, za što jany baniać. Usie havorać pra «olhinskich trolaŭ», ale nichto nie kaža pra fejsbukaŭskich redaktaraŭ. Jany ž znachodziacca ŭ adnoj kampanii. Pamiatajecie raźbiralnictvy ŭ Kanhresie ZŠA, što fejsbuk śviadoma prasoŭvaŭ artykuły ŭ padtrymku Demakratyčnaj partyi.
Tam niejronnaja sietka daje zboi. Ja čytaŭ artykuł, dzie navukoviec, jaki zajmajecca raspracoŭkaj niejronnych sietak, kazaŭ: «My nie možam zrazumieć, jak pracuje šmatsłojny štučny intelekt i dzie jany daduć pamyłku».
Ciapier błohier razhladaje navat mahčymaść źviarnucca ŭ Hienieralnuju prakuraturu Biełarusi z patrabavańniem zabanić na terytoryi našaj krainy fejsbuk.
«Ja ŭzvažvaju mahčymaść źviarnucca ŭ prakuraturu na dziejańni fejsbuka. U nas isnuje kanstytucyjnaj zabarona na cenzuru, prakuraturu možna prymusić zabanić uvieś fejsbuk. Jany ž baniać niejkija pornasajty, jakija znachodziacca za miežami Biełarusi. Hetak ža i dziejańni fejsbuka źjaŭlajucca antykanstytucyjnymi.
Ja śpiecyjalna prahladzieŭ Kanstytucyju Irłandyi, bo jeŭrapiejski fejsbuk rehulujecca adtul. Dyk maje dziejańni nijak nie parušajuć Kanstytucyju Irłandyi. Prava pryvatnaj karparacyi nie pavinna supiarečyć Kanstytucyi krainy. Kali tak rabić, to možna vielmi daloka dajści», — raskazvaje spadar Lipkovič.
Ciapier błohier zavioŭ novuju staronku, a taksama akaŭnt u fejsbuku. Pad svaim asnoŭnym pisać jon jašče nie zmoža da siaredziny kastryčnika.
«Kali my rehistravalisia ŭ fejsbuku 6-7 hadoŭ tamu, to ni pra jakuju redakturu nie było razmovaŭ. Potym jany pastupova źmianili i naviazali praviły. Ja nie mahu skazać, što heta kiepska ci dobra. Treba prosta mieć pačućcio miery».
Fejsbuk Jaŭhiena Lipkoviča adznačajecca vydatnym pačućciom humaru i ironijaj.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA2
Kamientary