Папулярнага блогера Яўгена Ліпковіча забанілі ў фэйсбуку за іранічны камент пра «гразных жыдоў»
Блогер Яўген Ліпковіч на працягу бліжэйшага месяца не зможа пісаць у сваім акаўнце на фэйсбуку. Гэта ўжо трэці за год «бан» публіцыста.
«Першы раз на тыдзень забанілі за стары допіс 2004 года. Пасля ў жніўні напісаў пра нашага алімпійскага чэмпіёна ў батуце Ганчарова, што ў яго ў спортзале быў лозунг: «Хто не скача, той маскаль». Напісана было на беларускай мове. Забанілі за гэта на месяц.
Ёсць такі хлопец — Дзмітрый Хамак, ён стваральнік папулярнага сайта Луркмор’е, які ў Расii забанены «Роскомнадзором». Дзiма напісаў з нагоды расійскіх выбараў: «Спасай немытую Россию!», абыгрываючы Лермантава.
Я абыграў па-іншаму: «Ратуй нямытую Расію, бі гразных жыдоў», напісаў такі камент. Нехта імгненна настукаў на мяне — і ў выніку бан на 30 дзен».
«Гэта іронія і любы рэдактар гэта зразумее, — абураецца Яўген Ліпковіч, — Калi рэдактар — чалавек».
«З фэйсбукам справа цяжкая, абсалютна не зразумела, за што яны баняць. Усе гавораць пра «ольгінскіх троляў», але ніхто не кажа пра фэйсбукаўскіх рэдактараў. Яны ж знаходзяцца ў адной кампаніі. Памятаеце разбіральніцтвы ў Кангрэсе ЗША, што фэйсбук свядома прасоўваў артыкулы ў падтрымку Дэмакратычнай партыі.
Там нейронная сетка дае збоі. Я чытаў артыкул, дзе навуковец, які займаецца распрацоўкай нейронных сетак, казаў: «Мы не можам зразумець, як працуе шматслойны штучны інтэлект і дзе яны дадуць памылку».
Цяпер блогер разглядае нават магчымасць звярнуцца ў Генеральную пракуратуру Беларусі з патрабаваннем забаніць на тэрыторыі нашай краіны фэйсбук.
«Я ўзважваю магчымасць звярнуцца ў пракуратуру на дзеянні фэйсбука. У нас існуе канстытуцыйнай забарона на цэнзуру, пракуратуру можна прымусіць забаніць увесь фэйсбук. Яны ж баняць нейкія порнасайты, якія знаходзяцца за межамі Беларусі. Гэтак жа і дзеянні фэйсбука з’яўляюцца антыканстытуцыйнымі.
Я спецыяльна праглядзеў Канстытуцыю Ірландыі, бо еўрапейскі фэйсбук рэгулюецца адтуль. Дык мае дзеянні ніяк не парушаюць Канстытуцыю Ірландыі. Права прыватнай карпарацыі не павінна супярэчыць Канстытуцыі краiны. Калі так рабіць, то можна вельмі далёка дайсці», — расказвае спадар Ліпковіч.
Цяпер блогер завёў новую старонку, а таксама акаўнт у фэйсбуку. Пад сваім асноўным пісаць ён яшчэ не зможа да сярэдзіны кастрычніка.
«Калі мы рэгістраваліся ў фэйсбуку 6-7 гадоў таму, то ні пра якую рэдактуру не было размоваў. Потым яны паступова змянілі і навязалі правілы. Я не магу сказаць, што гэта кепска ці добра. Трэба проста мець пачуццё меры».
Фэйсбук Яўгена Ліпковіча адзначаецца выдатным пачуццём гумару і іроніяй.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я17
Каментары