Palicyja Bierlina zastreliła pobač ź miascovym internatam dla biežancaŭ mihranta, jaki kinuŭsia z nažom na susieda.
Pa dadzienych niamieckich ŚMI, kanflikt pamiž mihrantami razhareŭsia paśla taho jak 27-hadovy biežaniec ździejśniŭ seksualny hvałt nad vaśmihadovaj dačkoj 29-hadovaha susieda. Pra heta stała viadoma palicyi.
Palicejskija vyrašyli zatrymać padazravanaha ŭ seksualnym hvałcie. Jany pryjechali ŭ internat, nadzieli na zatrymanaha kajdanki i zaviali da mašyny. Kali mihrant užo siadaŭ u jaje, baćka paciarpiełaj kinuŭsia na jaho z nažom.
Pa śviedčańniach vidavočcaŭ, baćka dziaŭčynki kryčaŭ zatrymanamu, što «tamu nie vyžyć». U hety momant adrazu niekalki palicejskich dastali tabielnuju zbroju i adkryli ahoń pa napadniku.
U vyniku baćka paciarpiełaj atrymaŭ niekalki ciažkich ranieńniaŭ i praź niekalki hadzin pamior u balnicy. Padazravany ŭ hvałcie nad jaho dačkoj zastajecca ŭ palicyi, jamu źbirajucca pradjavić abvinavačvańnie.
Bierlinskaj palicyi ŭ apošni čas usio čaściej davodzicca ŭžyvać zbroju. U pačatku vieraśnia palicejskija vypadkova zastrelili čałavieka, sprabujučy zabić jaho ahresiŭnaha sabaku. U žniŭni palicyja zastreliła jašče adnaho čałavieka, jaki pahražaŭ minakam.
Publikujecca ŭ miežach śpiecyjalnaj rubryki «Naviny Hiermanii»
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary