Novy rejtynh Asacyjacyi tenisistaŭ‑prafesijanałaŭ.
U ahulnym rejtynhu Maksim Mirny straciŭ 40 punktaŭ i adkaciŭsia na 301‑y radok. U jaho 120 punktaŭ.
Maksu ŭ śpinu dychaje Ŭładzimier Vaŭčkoŭ, jaki zajmaje 380‑y radok. Uładzimier naadvarot uźniaŭsia na vosiem radkoŭ, prytym, što niabiare ŭdziełu ŭ turnirach ATP.
Uładzimier Ihnacik — 503‑ci, Andrej Karatčenia — 787‑y, u pieršaj tysiačy taksama — Siarhiej Bietaŭ i Pavał Katlaroŭ, u ich adpaviedna 880‑ie i 883‑ie miesca.
Lidziruje pa‑raniejšamu švajcarac Rodžer Federer. Jon maje 6 900 punktaŭ, bolš čym tysiaču sastupaje jamu pieramožca Ralan Haros Rafael Nadal. U jaho 5 775 punktaŭ, u pieršaj dziasiatcy Novak Džokavič (Sierbija), Mikałaj Davydzienka (Rasieja), David Ferer (Hišpanija), Endzi Rodzik (ZŠA), David Nałbandzian (Arhientyna), Džejms Błejk (ZŠA), Ryšar Haskie (Francyja), Stanisłas Vaŭrynka (Švajcaryja).
U čempijonskaj honcy 2008 h. Nadal, naadvarot, lidziruje, majučy 755 punktaŭ. Džokavič zajmaje druhi radok (642), Federer — treci (545). Akurat Nadal i abyhraŭ Federera ŭ finale Ralan Haros.
Maks Mirny ŭ čempijonskaj honcy zajmaje 138‑ie miesca. Jon paniziŭsia na try pazycyi.
Biełarus pastupova padaje i ŭ rejtynhu najlepšych parnych tenistaŭ. I hetym razam jon straciŭ adnu pazycyju i ciapier zajmaje 28‑y radok. Lidzirnujuć pa‑raniejšamu braty Bob i Majk Brajany.
Para Mirny / Džejms Miurej zajmaje 13‑y radok.
Što tyčyć žanočych rejtynhaŭ, to Viktoryja Azaranka zachavała 16‑iu pazycyju ŭ rejtynhu indyvidualnaha razradu. Volha Havarcova i Nastaśsia Jakimava taksama zastalisia na svaich miescach: 36‑ie i 131‑ie.
A liderstva zachapili dźvie sierbskija tenisistki: Ana Ivanavič i Jelena Jankavič.
U pieršaj dziasiatcy ažno piać pradstaŭničak Rasiei: Maryja Šarapava, Śviatłana Kuźniacova, Alena Dziamiencieva (3‑ie — 5‑ie miescy), Anna Čakvietadze i Dzinara Safina zajmajuć 8‑iu i 9‑iu miescy.
Kamientary