Minabarony adznačyła matyvujučym rolikam vypusk piatnaccaci novych biełaruskich vajennych lotčykaŭ VIDEA
Na vychadnych na avijacyjnym fakultecie Vajennaj akademii Respubliki Biełaruś prajšoŭ 18-y vypusk kursantaŭ-avijataraŭ: lejtenanckija pahony atrymali 15 čałaviek, paviedamiła aficyjnaje vydańnie vsr.mil.by.
«My siońnia vypuskajem 15 aficeraŭ-lotčykaŭ dla VPS i vojsk SPA, MNS i avijacyi Dziaržaŭnaha pamiežnaha kamiteta. Na pieršym kursie ŭsia hrupa vykonvała paloty na płaniorach Ł-13 u Babrujskim aerakłubie. Dalej u zaležnaści ad śpiecyjalnaści - frantavaja ci armiejskaja avijacyja - kursanty latali na Jak-52 i viertalotach Mi-2. Siońnia ŭzrovień padrychtoŭki našych vypusknikoŭ dastatkova vialiki. Nalot u kožnaha ź ich skłaŭ kala 220 hadzin», — raspavioŭ namieśnik načalnika fakulteta pałkoŭnik Juryj Zołataŭ.
Na apošnich kursach piłoty latajuć na viertalotach Mi-8 i Mi-24, a taksama na reaktyŭnych samalotach Ł-39.
Adnačasova pres-słužba Minabarony apublikavała u svaim akaŭncie ŭ Youtube matyvujučy rolik pra biełaruskuju avijacyju.
Kamientary