Pramyja kitajskija inviestycyi buduć układzienyja ŭ budaŭnictva bujnych małočna-tavarnych kompleksaŭ u Viciebskaj vobłaści. Pra heta paviedamiŭ siońnia žurnalistam staršynia Viciebskaha abłvykankama Mikałaj Šarśnioŭ.
«My damovilisia ab realizacyi vielmi surjoznaha prajekta. Kitajski bok budzie budavać u nas na ŭmovach układańnia pramych inviestycyj dva najbujniejšyja małočna-tavarnyja kompleksy pa 6400 hałoŭ dojnaha statka kožny i adzin kompleks pamienš — na 3200 hałoŭ. Hetyja abjekty źjaviacca ŭ Dubrovienskim, Tałačynskim i Sieńnienskim rajonach. Pry hetym płanujecca budavać novy kambikormavy zavod i sučasnuju pierapracoŭku, a atrymanuju pradukcyju pastaŭlać u Kitaj», — raspavioŭ kiraŭnik rehijonu.
Jon adznačyŭ, što ŭźviadzieńnie troch kompleksaŭ — heta tolki pieršy etap ciesnaha ŭzajemadziejańnia z kitajskim bokam u małočnaj halinie. Prapracoŭvajecca pytańnie ab uźviadzieńni małočnych fierm jašče i va Ušackim, Šumilinskim, Rasonskim rajonach.
«U cełym my razhladajem mahčymaść uźviadzieńnia kala 10 kompleksaŭ. Kitajskija partniory ŭžo dasłali svaich śpiecyjalistaŭ, jakija ciapier adpracoŭvajuć detali prajektnych pytańniaŭ, kab paźbiehnuć mahčymych niestykovak zakanadaŭstva. U śniežni vychodzim na padpisańnie inviestycyjnaj damovy i ŭ 2017 hodzie pačynajem budaŭnictva», — adznačyŭ Mikałaj Šarśnioŭ. Pa papiarednich padlikach, inviestycyi składuć kala $260 młn.
Što tyčycca terminaŭ realizacyi, to hubiernatar padkreśliŭ, što budaŭnictva nieabchodna vieści vielmi chutka, kab za paŭtara-dva hady zapuścić vytvorčaść.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary