Buduć kuplety i prypievy.
26 červienia adbudziecca reliz CD-versii solnaha albomu Lavona Volskaha «Kuplety i prypievy». U hety ž dzień u 18 hadzin projdzie prymierkavanaja da hetaha aŭtohraf-sesija, a taksama ekskluziŭny mini-kancert u dyskarni «Misteryja huku» (HC «Ryha», vuł.Surhanava, 50).
«Kuplety i prypievy» buduć vydadzienyja na CD z šmatlikimi bonusami. Aprača aryhinalnych 10 piesień, vykładzienych u krasaviku ŭ internecie, aŭdyjočastka budzie źmiaščać karaokie-viersii ŭsich piesień, a multymiedyjnaja častka — treš-videa «Eŭravizija» ad Jaŭhiena Novaša.
Akramia taho, dysk budzie mieć sapraŭdy źmiastoŭny buklet. U im — teksty i akordy da albomu, a taksama ekskluziŭny słoŭnik, dzie Lavon Volski tłumačyć roznyja słovy i terminy, vykarystanyja ŭ tekstach. Siarod ich, «baduniec», «korki», «ciorki» i šmat inš.
«Možna skazać, što CD-vydańnie faktyčna ździejśniena «pa zamovach słuchačoŭ», — kaža Lavon Volski. — My nie źbiralisia jaho rabić, ale šmat chto chacieŭ nabyć dysk navat paśla taho, jak spampavaŭ jaho ŭ internecie. U vyniku atrymałasia niatannaje kalekcyjnaje vydańnie, ale mnie zdajecca heta narmalna, uličvajučy toje, što sajt začyniać my nia budziem».
Nie mienš ekskluziŭnym pavinien stacca mini-kancert Lavona Volskaha, jaki adbudziecca ŭ dzień relizu ŭ dyskarni «Misteryja huku» (HC «Ryha»). Heta budzie pieršaje i moža adzinaje žyvoje vykanańnie piesień z albomu «Kuplety i prypievy», tamu što bolš nijakich kancertnych vystupaŭ z hetaj prahramaj śpiavak nie planuje. Miž inšym, z krasavika «Kuplety i prypievy» spampavali bolš za šeść tysiač internet-karystalnikaŭ.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary