Rasija i Biełaruś dasiahnuli kampramisu pa canie na haz. Pra heta ŭ efiry telekanała «Rasija 24» zajaviŭ kiraŭnik Minenierha RF Alaksandr Novak.
«Što tyčycca situacyi pa zapazyčanaści za haz, jakaja ŭźnikła ŭ hetym hodzie, ciapier mahu skazać, što my znajšli rašeńnie. Usie ŭmovy ahavoranyja, klučavaja z hetych umovaŭ - što ŭsie zapazyčanaści buduć pahašany, i haz budzie apłačvacca pa canie ŭ adpaviednaści z pahadnieńniem pa formule, jakaja dziejničała da hetaha času».
***
Biełaruś z pačatku hoda viadzie pieramovy z Rasijaj ab źnižeńni cen na haz. Pry hetym ź lipienia Rasija bolš čym na tracinu skaraciła pastaŭki nafty ŭ Biełaruś, reahujučy na isnujučuju, z punktu hledžańnia rasijskaha boku, niedapłatu za pastaŭleny pryrodny haz.
Minsk nastojvaŭ na źnižeńni cany na rasijski haz z $132 da $73 za 1 tys. kubamietraŭ i patrabavaŭ ad Rasii pierachodu da roŭnadachodnych cenaŭ na haz, a taksama nie pryznavaŭ najaŭnaść doŭhu za pastaŭki z pačatku 2016 hoda.
Jak paviedamlaŭ 11 kastryčnika ministr enierhietyki Biełarusi Uładzimir Patupčyk, suma niedapłaty Biełarusi za pastaŭleny Rasijaj haz składaje $ 281 młn. Pavodle jaho słoŭ, biełaruski bok padpisaŭ z Rasijaj pratakoł pa naftahazavym pytańni, jaki dazvolić pryniać rašeńni na asnovie kampramisu. Pa słovach ministra, da 20 kastryčnika 2016 hoda. Biełaruś raźličycca z Rasijaj pa niedapłacie za pastaŭleny haz. U svaju čarhu, Rasija adnović u poŭnym abjomie pastaŭki nafty ŭ Biełaruś.
Patupčyk taksama paviedamlaŭ, što cana rasijskaha hazu dla Biełarusi da kanca hoda na miažy składzie $ 132 za 1 tys. kubamietraŭ.
Jak ciapier vyhladaje palitźniavoleny Ihar Łosik FOTA16
Kamientary