Расія і Беларусь дасягнулі кампрамісу па цане на газ. Пра гэта ў эфіры тэлеканала «Расія 24» заявіў кіраўнік Мінэнерга РФ Аляксандр Новак.
«Што тычыцца сітуацыі па запазычанасці за газ, якая ўзнікла ў гэтым годзе, цяпер магу сказаць, што мы знайшлі рашэнне. Усе ўмовы агавораныя, ключавая з гэтых умоваў - што ўсе запазычанасці будуць пагашаны, і газ будзе аплачвацца па цане ў адпаведнасці з пагадненнем па формуле, якая дзейнічала да гэтага часу».
***
Беларусь з пачатку года вядзе перамовы з Расіяй аб зніжэнні цэн на газ. Пры гэтым з ліпеня Расія больш чым на траціну скараціла пастаўкі нафты ў Беларусь, рэагуючы на існуючую, з пункту гледжання расійскага боку, недаплату за пастаўлены прыродны газ.
Мінск настойваў на зніжэнні цаны на расійскі газ з $132 да $73 за 1 тыс. кубаметраў і патрабаваў ад Расіі пераходу да роўнадаходных цэнаў на газ, а таксама не прызнаваў наяўнасць доўгу за пастаўкі з пачатку 2016 года.
Як паведамляў 11 кастрычніка міністр энергетыкі Беларусі Уладзімір Патупчык, сума недаплаты Беларусі за пастаўлены Расіяй газ складае $ 281 млн. Паводле яго слоў, беларускі бок падпісаў з Расіяй пратакол па нафтагазавым пытанні, які дазволіць прыняць рашэнні на аснове кампрамісу. Па словах міністра, да 20 кастрычніка 2016 года. Беларусь разлічыцца з Расіяй па недаплаце за пастаўлены газ. У сваю чаргу, Расія адновіць у поўным аб'ёме пастаўкі нафты ў Беларусь.
Патупчык таксама паведамляў, што цана расійскага газу для Беларусі да канца года на мяжы складзе $ 132 за 1 тыс. кубаметраў.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары