Na hetym tydni abiacajuć vietranaje nadvorje sa śnieham i daždžom

Na praciahu najbližejšaha tydnia ŭ Biełarusi čakajecca vietranaje nadvorje z mokrym śnieham i daždžom, paviedamiŭ BiełaPAN načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

Sinoptyk prahnazuje, što «na bolšaj častcy terytoryi laža niaŭstojlivaje śniežnaje pokryva».

U aŭtorak umovy nadvorja na terytoryi Biełarusi nočču ŭ asnoŭnym budzie vyznačać niaŭstojlivaje chałodnaja pavietranaja masa, dniom pieravažna pa zachodniaj pałovie adabjecca ŭpłyŭ atmaśfiernych frantoŭ, jakija rušać z Polščy. Nočču ŭ asobnych rajonach karotkačasovy śnieh. Dniom pieravažna pa zachodniaj pałovie apadki (mokry śnieh, doždž). Nočču i ranicaj na asobnych učastkach daroh hałalodzica. Tempieratura nočču 0 — minus 6°S, dniom minus 1 — plus 4°S, pa paŭdniovym zachadzie da plus 6°S.

«Pačynajučy ź sierady z paŭnočnaha zachadu pryjdzie novy cykłon, jaki budzie rušyć cieraz našy paŭnočnyja rajony», — paviedamiŭ sinoptyk.

U sieradu čakajucca praciahłyja apadki (mokry śnieh, jaki budzie pierachodzić u doždž). U asobnych rajonach uzmacnieńnie vietru paryvami da 15—18 m/s, nočču i ranicaj słaby hałalod. Tempieratura nočču minus 4 — plus 3°S, pa paŭdniovym zachadzie da plus 6°S, dniom 0 — plus 7°S, pa paŭdniovym zachadzie ŭ asobnych rajonach da plus 9°S.

U čaćvier u mnohich rajonach doždž i mokry śnieh. U asobnych rajonach słaby hałalod, nočču i ranicaj tuman. Tempieratura na praciahu sutak minus 1 — plus 5°S.

U piatnicu na bolšaj častcy terytoryi karotkačasovy śnieh, mokry śnieh. Nočču i ranicaj na asobnych učastkach daroh hałalodzica. Tempieratura nočču minus 4 — plus 2°S, dniom minus 2 — plus 4°S.

Pavodle słoŭ Rabava, u subotu z rostam atmaśfiernaha cisku nadvorje krychu palepšycca: nočču ŭ asobnych rajonach, dniom pieravažna pa zachodniaj pałovie krainy karotkačasovyja apadki (mokry śnieh, doždž). Nočču i ranicaj słaby hałalod, na asobnych učastkach daroh hałalodzica. Tempieratura nočču 0 — minus 7°S, dniom minus 2 — plus 5°S.

«Adnak u niadzielu ŭładu nad nadvorjem voźmie čarhovy cykłon, jaki budzie iści z paŭdniovaha zachadu Jeŭropy i pryniasie na bolšuju častku krainy apadki (mokry śnieh, doždž).

Nočču i ranicaj u asobnych rajonach słaby hałalod, na darohach hałalodzica. Tempieratura nočču minus 3 — plus 3°S, pa paŭnočnym uschodzie da minus 6°S, dniom minus 2 — plus 5°S», — adznačyŭ Rabaŭ.

• 0
• 0
• 0
• 0
• 0
• 0
• 0
• 0