Dziaŭčyna, jakaja zabrała zabytyja pakiety z adzieńniem amal na $2,5 tys., daviedaŭšysia, što jaje šukajuć, sama pryjšła ŭ milicyju, paviedamiła BiełTA pres-aficer Centralnaha RUUS Minska Taćciana Aboznaja.
Na sajcie HUUS 5 śniežnia była raźmieščanaja infarmacyja ab vyšuku dziaŭčyny, jakaja zabrała pakiety z rečami, zabytyja naviedvalnikam staličnaj kramy kala parkavalnaha terminała handlovaha centra. Hetaja infarmacyja z vyjavaj dziaŭčyny była šyroka raspaŭsiudžanaja ŭ ŚMI. Taja, ubačyŭšy, što jaje šukajuć, sama pryjšła ŭ milicyju i pryniesła pakiety z rečami. Supracoŭnikam kryminalnaha vyšuku taksama pastupiła niekalki zvankoŭ ad hramadzian, jakija paviedamili, što chočuć dapamahčy ŭ pošukach dziaŭčyny i nazvali jaje dadzienyja.
U RUUS vykazali padziaku ŚMI, dziakujučy jakim infarmacyja pra ludziej, jakich šukaje milicyja, atrymlivaje taki šyroki hramadski rezanans, a taksama nieabyjakavym haradžanam za aktyŭnuju žyćciovuju pazicyju i dapamohu.
Kamientary