Mitrapalit Kandrusievič: Zabarona na našeńnie relihijnych simvałaŭ miedrabotnikami — dyskryminacyja viernikaŭ
Zabarona na adkrytuju demanstracyju relihijnych znakaŭ i simvałaŭ miedycynskimi rabotnikami, jakaja ŭtrymlivajecca ŭ prajekcie normaŭ miedycynskaj etyki i deantałohii, źjaŭlajecca dyskryminacyjaj viernikaŭ, zajaviŭ na sustrečy z žurnalistami 22 śniežnia ŭ stalicy mitrapalit Minska-Mahiloŭski arcybiskup Tadevuš Kandrusievič.
«Heta značyć možna nasić značok prynaležnaści da partyi i hramadskaj arhanizacyi, a relihijny znak — nie, — aburyŭsia katalicki ijerarch. — U nas rekłamujuć piva, pracujuć kazino, a vy viedajecie, kudy pryvodziać usie hetyja adnarukija bandyty, a relihijny znak, značyć, nasić nielha!»
«Heta nie što inšaje jak dyskryminacyja viernikaŭ. Spadziajusia, hetyja normy buduć źmienieny», - skazaŭ Kandrusievič.
Prajekt normaŭ miedycynskaj etyki i deantałohii raspracavany Ministerstvam achovy zdaroŭja. Jon byŭ apublikavany na sajcie ministerstva ŭ kancy listapada dla abmierkavańnia, jakoje budzie doŭžycca da 25 śniežnia. Dakumient vyznačaje patrabavańni da źniešniaha vyhladu, maniery znosin z pacyjentami miedrabotnikaŭ i farmaceŭtaŭ. U prajekcie siarod inšaha havorycca, što miedrabotnikami «nie dapuskajecca vidavočnaja demanstracyja svajoj relihijnaj prynaležnaści, adkrytaje našeńnie relihijnych znakaŭ i simvałaŭ».
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary