Vital Hurkoŭ sfatahrafavaŭsia z pop-karalom i ździviŭsia vyniku
Na premjery filma Andreja Kurejčyka «Party-zan» słynny baksior Vital Hurkoŭ zrabiŭ supolnaje fota z mastadontam biełaruskaj estrady Alaksandram Saładucham.
«Kali hety dopis za sutki nabiare dziesiać tysiač łajkaŭ, to Saładucha vystupić na razahrevie ŭ BRUTTO», — napisaŭ Vital pad fota, trymajučy na ŭvazie majučy adbycca kancert u Minsk-Arenie.
Dziesiać tysiač łajkaŭ, praŭda, nie nabrałosia — tolki trochi bolš za 2 tysiačy ŭ fejsbuku i 2500 u instahramie.
U vyniku Hurkoŭ vydaliŭ dopis, padsumavaŭšy vyniki takoj akcyi.
«Moj sacyjalny ekśpierymient z pośpiecham skončyŭsia, — napisaŭ baksior. — Fotazdymak spracavaŭ jak łakmusavaja papiera našaha hramadstva: fota z Alaksandram Saładucham pieroŭzyšło ŭsie rekordy maich sacsietak. Ažyjataž i cikavaść da piersony «lehiendy biełaruskaj estrady» niazhasłaja z 1995 hoda!! Na druhim miescy [pa papularnaści ŭ sacsietkach Hurkova] fota, dzie ja ŭ rynhu trymaju naš histaryčny ściah — taksama ŭ rajonie 2 tysiačaŭ, ale mienš. Ludziam nie cikavyja spartovyja dasiahnieńni i navukovyja adkryćci, tvorčaja vysokamastackaja realizacyja. Kudy cikaviejšaje šou i čakańnie niejmaviernaha, abmiarkoŭvańnie absurdnych niedarečnych pytańniaŭ».
Jak udakładniła «Naša Niva», sam dopis byŭ prosta «prykołam».
«Dy nie, Saładucha b nie vystupiŭ na razahrevie, jak heta možna ŭjavić sabie? My ŭ roznych farmatach. Ale toje, što fota ź im nabrała bolš łajkaŭ — heta dziva. Mnie zdavałasia, što fota z našym ściaham macniejšaje», — skazaŭ Hurkoŭ.
Pry hetym jon padkreśliŭ, što stavicca da Alaksandra z pavahaj, a ŭsie tyja kamientary, dzie jaho nazyvali «prypiavałam Łuki» — niedarečnyja.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary