Minsportu paśla ŭviadzieńnia biaźvizavaha režymu prahnazuje pavieličeńnie patoku turystaŭ na 20%. Pra heta zajaviŭ namieśnik dyrektara departamienta pa turyźmie Ministerstva sportu i turyzmu Vital Hrycevič na bryfinhu «Uviadzieńnie piacidzionnaha biaźvizavaha režymu dla inšaziemcaŭ u Biełarusi» ŭ pres-centry BiełTA.
«Ministerstva sportu i turyzmu prahnazuje pavieličeńnie naviedvańniaŭ Biełarusi na 20 pracentaŭ. Pierš za ŭsio my aryjentujemsia na krainy Jeŭropy, Paŭnočnaj Amieryki, Piersidskaha zaliva, adšturchoŭvajučysia ad handlova-ekanamičnaha supracoŭnictva, jakoje isnuje ciapier z hetymi dziaržavami», — adznačyŭ Vital Hrycevič.
Raniej Biełaruś uviała biaźvizavy režym ź Izrailem, Turcyjaj i niekatorymi inšymi krainami. «Z momantu admieny viz kolkaść ujezdaŭ hramadzian Izraila pavialičyłasia ŭ dva razy, z Turcyi - u paŭtara», — skazaŭ Vital Hrycevič.
Minsportu prahnazuje, što rost kolkaści turystaŭ budzie ŭ asnoŭnym za košt indyvidualnych padarožnikaŭ, tamu ministerstva płanuje vieści rabotu, nakiravanuju na palapšeńnie jakaści absłuhoŭvańnia, raźvićcio infrastruktury nie tolki Minska, ale i abłasnych, i rajonnych centraŭ dla turystaŭ, jakija znachodziacca ŭ krainie biez supravadžeńnia rabotnikaŭ turahienctvaŭ.
Načalnik milicyi Brahina stralaŭ u svaju žonku. Jana cudam vyžyła9
Kamientary