Kandydat Trampa ŭ dziaržsakratary padtrymlivaje sankcyi suprać Maskvy
Kandydat na post dziaržsakratara ZŠA Reks Tylersan skazaŭ u sieradu, što na hety momant padtrymlivaje zachavańnie sankcyj i razumieje, što chaŭruśniki pa NATA ŭ Jeŭropie nie darma turbujucca adnosna ahresii Maskvy.
U toj ža čas Tylersan admoviŭsia nazvać prezidenta Rasii Uładzimira Pucina vajennym złačyncam i nie vyklučyŭ źmien u sankcyjnaj palitycy, adznačyŭšy, što pakul nie bačyŭ sakretnaj infarmacyi pra ŭmiašalnictva Kramla va ŭnutranyja spravy ZŠA, piša Reuters.
Abrany prezidentam Donald Tramp prapanuje kandydaturu Tylersana, byłoha kiraŭnika kampanii Exxon Mobil, na post kiraŭnika źniešniepalityčnaha viedamstva ZŠA. Niekatoryja kamientatary kazali, što jahonyja suviazi z naftavym siektaram Rasii mohuć paŭpłyvać na palityku ZŠA adnosna Maskvy.
Tema Maskvy była asnoŭnaj padčas 9-hadzinnych słuchańniaŭ u Sienacie, jakija byli pryśviečanyja zaćviardžeńniu Tylersana na post dziaržsakratara.
Tylersan nazvaŭ pryčynaj ahresii Rasii suprać Ukrainy «adsutnaść amierykanskaha lidarstva» i skazaŭ, što ZŠA pavinny byli zaniać bolš žorstkuju pazicyju, kab strymać Maskvu.
«Ja vystupaju za miery, jakija strymajuć i papiaredziać dalejšaje pašyreńnie varožych dziejańniaŭ», — skazaŭ Tylersan.
Kamientary