Žaŭniery ZŠA buduć vyrablać raźviedvalnyja drony na 3D-pryntarach u palavych umovach
Daśledčaja łabaratoryja Suchaputnych vojsk ZŠA płanuje raspracavać latučy raźviedvalny bieśpiłotnik, jaki žaŭniery zmohuć lohka razdrukoŭvać naŭprost na pazicyjach, paviedamlaje armytimes.com.
Vykarystoŭvajučy palavy pryntar dla trochmiernaha druku, žaŭniery pry najaŭnaści patreby zmohuć chutka sabrać nievialikuju mašynu i adpravić jaje ŭ raźviedvalny palot.
Kompleks atrymaŭ nazvu «Małaja adnaŭlalnaja bieśpiłotnaja latučaja sistema» (ODSUAS), chutkaść bieśpiłotnika, jak čakajecca, budzie dasiahać 100 km/h. Žaŭniery buduć vyrablać jaje maksimum za 24 hadziny — takim čynam za 48 hadzin jany zmohuć pravieści raźviedku i paśpiejuć spłanavać nievialikuju apieracyju.
Da taho ž, sami žaŭniery zmohuć u adpaviednaści z patrebami ŭnosić tyja ci inšyja źmieny ŭ kanstrukcyju lohkaha i cichaha drona.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary