Dziaržkammajomaść abiacaje nie dapuścić rasiejski kapitał da masavaj pryvatyzacyi
«Pryvatyzacyja kožnaha biełaruskaha pradpryjemstva budzie adbyvacca ŭ indyvidualnym paradku z ulikam značnaści dla dziaržavy».
Pra heta paviedamiła načalnik upraŭleńnia refarmavańnia dziaržaŭnaj ułasnaści Fondu dziaržmajomaści Iryna Barkoŭskaja. Jana adznačyła, što rasiejskich investaraŭ nia puściać da masavaj pryvatyzacyi.
«U niekatorych našych dyrektaraŭ zavodaŭ jość turbavańni, što rasiejski kapitał pryjdzie i ŭsio skupić. Ale my hetaha dapuskać nia budziem. Chacia my i abviaścili masavuju pryvatyzacyju, ale padychod da jaje ažyćciaŭleńnia budzie indyvidualnym … Budziem hladzieć, nakolki heta značnaje dla nas pradpryjemstva i jakaja zacikaŭlenaść u im investaraŭ. Taksama budziem vyznačacca i z kožnym kankretnym investaram —pry stvareńni AAT, albo potym pry prodažy akcyjaŭ, kab viedać, jaki pakiet akcyjaŭ im prapanavać», — pieradaje BiełTA słovy Iryny Barkoŭskaj.
Jana nie vyklučaje, što na pieršapačatkovym etapie investaram buduć prapanavanyja pakiety akcyjaŭ da 25% ad statutnaha fondu. «Jak praviła, takija pakiety ŭžo cikaviać investaraŭ, heta daje im realnuju ŭładu ŭ stvoranym tavarystvie», — padkreśliła specyjalist.
Barkoŭskaja: masavaja pryvatyzacyja vyklikana nieabchodnaściu vialikich vonkavych finansavych ulivańniaŭ
Iryna Barkoŭskaja zajaviła, što abvieščanaja ŭ kraina masavaja pryvatyzacyja vyklikana nieabchodnaściu «ažyŭleńnia ekanomiki pradpryjemstvaŭ» za košt vonkavych resursaŭ.
«My pavinny admaŭlacca ad praktyki akazańnia dapamohi dziaržavy pradpryjemstvam. Chacia, mahčyma, niejkim asabliva značnym dziaržava budzie pradastaŭlać padtrymku, ale dla ažyŭleńnia ekanomiki pradpryjemstvaŭ jany pavinny šukać vonkavyja resursy. Na heta i skiravany plan pryvatyzacyi», — padkreśliła jana.
Načalnik upraŭleńnia fonda taksama paviedamiła, što z pryniaćciem hetaha planu pryvatyzacyi ŭ Dziaržkammajomaści razhortvajecca vialikaja praca ź ministerstvami i viedamstvami, pradpryjemstvami. Na tych pradpryjemstvach, jakija planujecca akcyjanavać u 2008 hodzie, nieabchodna pravieści ŭsie nieabchodnyja pravierki dla padrychtoŭki dakumentaŭ na pryvatyzacyju.
Ciapier čytajuć
Biełarusu na 100 hadoŭ zabaranili ŭjezd u Rasiju — za ŭdzieł u minskich maršach 2020 hoda6
Kamientary