Biełaruski videacentar naładziŭ premjeru dakumentalnaj stužki Jurja Ćviatkova «Škłoŭski afort» pra samaha znakamitaha avanturnika Mahiloŭščyny. Piša Andrej Rasinski.
«Škłoŭski afort» Ćviatkova — heta zamiłavalnaje baroka i rakako, piaščotnyja karunki i pyšna‑čyrvonyja šaty. Ćviatkoŭ — aŭtar viadomaj kinakazki «Marynka, Janka i tajna karaleŭskaha zamku» i muzyčnaj kamedyi ź «Pieśniarami» «Jaś i Janina», što byli žorstka abłajanyja krytykami. Ale nieabaviazkova‑kičavy styl Ćviatkova, dasiul nie acenieny naležnym čynam, prosta kvitnieje ŭ karcinie pra avanturnika — i prynosić niezaprahramavanuju asałodu. Zoja Biełachvościk čytaje tekst u šykoŭnym stroi imperatarskaj frejliny, falbončyki, stužački, žabo na pomniku Zoryča…
Vynachodkaj karciny stalisia ŭspaminy Džordža Zoryča — pra‑pra‑…praŭnuka Siamiona Zoryča, jaki žyvie ŭ Złučanych Štatach i žyćcio pryśviaciŭ tancu. A zaŭvahi Valancina Jelizarjeva pra vytoki biełaruskaha baletu vyhodna ŭdakładniajuć «Škłoŭski afort».
Baročnaja stužka na škłoŭskuju temu, niezaležna ad voli stvaralnikaŭ — nabyvaje ryzykoŭnuju dvuchsensoŭnaść. A biezdakornaja rasiejskaja mova karciny ź finalnaju frazaj pra «pra nieparušnuju jednaść kultur, historyj, losaŭ Rasiei i Biełarusi» — zdajecca karciožnym fokusam Zoryča.
Škłoŭski afort (Škłovskij ofort)
Biełaruś, 2008, kalarovy, 27 chv.
Vytvorčaść: Biełaruski videacentar
Režyser: Jury Ćviatkoŭ pavodle scenaru Juryja Ćviatkova i Ŭładzimiera Miechava
Žanr: Dakumentalny afort
Adznaka: 5 (z 10)
Karcinu možna zamović u Videacentry dla asabistaha zapisu:
«Biełaruski videaacentar»
220050, Miensk, vuł. K. Marksa, 12a
tieł./faks 226‑05‑32, 227‑36‑76
E‑mail: [email protected]
Kamientary