Skandał u Sajuzie palakaŭ: byłoha staršyniu abvinavacili ŭ zdradzie
Hałoŭnaja rada Sajuzu palakaŭ Biełarusi prypyniła ŭ pravach siabra arhanizacyi, byłoha staršyniu Miečysłava Jaśkieviča i jahonuju namieśnicu Helenu Duboŭskuju. Akramia hetaha, Duboŭskuju źniali z pasady dyrektara Polskaj hramadzkaj škoły pry SPB u Horadni.
Pasiedžańnie Hałoŭnaj rady adbyłosia ŭ niadzielu 12 lutaha. U prysutnaści polskich dyplamataŭ i partneraŭ SPB z Polščy ciapierašniaje kiraŭnictva arhanizacyi ahučyła pretenzii da Miečysłava Jaśkieviča i jahonaj namieśnicy. Jak paviedamlaje sajt znadnienma.pl, razam z Helenaj Duboŭskaj były staršynia SPB «nasupierak statutu vyrašyli prysvoić ułasnaść SPB». Havorka pra TAA «Kresowia», jakoje farmalna źjaŭlajecca ekanamičnaj bazaj sajuzu.
Jaśkievič na pasiedžańni rastłumačyŭ, što admoviŭsia pieradavać dakumenty tavarystva «Kresowia» novaj upravie praz toje, što kiraŭnictva arhanizacyi vysunuła suprać jaho abvinavačvańni, za jakija jamu pahražaje kryminalnaja adkaznaść.
«Hałoŭnaja Rada SPB sapraŭdy abvinavačvaje byłoha kiraŭnika arhanizacyi ŭ fiktyŭnym pracaŭładkavańni ŭ tavarystvie «Kresowia», miž inšym rodnaj dački, jakaja stała pražyvaje ŭ Polščy, i biespadstaŭnaj vypłacie zarobku» — paviedamlaje znadniemna.pl. Vydańnie taksama pradstaviła detali pasiedžańnia Hałoŭnaj rady, na jakoj Jaśkieviča abvinavacili ŭ suviaziach z KHB. Pavodle zajavy Hałoŭnaj rady, Miečysłaŭ Jaśkievič «zdradziŭ» arhanizacyi.
Radyjo Svaboda skantaktavałasia ź Miečysłavam Jaśkievičam. Były staršynia SPB paabiacaŭ prakamentavać spravu i paprasiŭ patelefanavać praź niekalki chvilin, kab mahčy zaparkavać aŭtamabil. Ale ciaham hadziny paśla hetaha jahony numar byŭ adklučany.
Svaboda źviarnułasia pa kamentar hetaha zdareńnia da ciapierašniaj staršyni SPB Anžaliki Borys.
«Ja nie chaču kamentavać abvinavačvańni ŭ supracy z KDB, chacia takija acenki sapraŭdy hučali. Sutnaść u tym, što ŭžo 2 miesiacy spadar Jaśkievič nia choča addavać majomaść. Hałoŭnaja rada ŭsprymaje heta jak prysvojvańnie. Kali jon hetaha nia zrobić, to budzie vyklučany z SPB» — skazała Borys.
Jak raspavioŭ Svabodzie haradzienski žurnałsit Jan Roman, jaki prysutničaŭ na sustrečy, Jaśkievič ahučyŭ namier stvaryć na bazie kampanii «Kresowia» novuju polskuju arhanizacyju.
«Jon skazaŭ, što ŭ jaho jość prychilniki, jakija ŭvojduć u hetuju arhanizacyju. Jon navat i nazvu ahučyŭ «Supolnaść palakaŭ Biełarusi» (Wspólnota Polaków Białorusi). I dadaŭ, što ŭ adroźnieńni ad SPB, jahonuju arhanizacyju zarehistrujuć»
Miečysłaŭ Jaśkievič prajhraŭ čarhovyja vybary staršyni SPB letaś u śniežni. Za Anžaliku Borys tady prahałasavali 99 delehataŭ z 189 prysutnych. Miečysłaŭ Jaśkievič, jaki da hetaha kiravaŭ Sajuzam palakaŭ, nabraŭ 85 hałasoŭ.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»35
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary