Uradženiec Biełarusi arhanizoŭvaŭ prarasijskija akcyi ŭ Polščy, u pierapiscy ź im zaśviaciŭsia Dziermant
Ukrainskija chakiery ŭskryli, jak rasiejcy ładziać antyŭkrainskija akcyi ŭ Polščy.
Adnosiny Polščy i Ukrainy nielha nazvać idealnymi, ciažkim hruzam lažać takija histaryčnyja padziei, jak Vałynskaja raźnia i bolš rannija. Biezadkaznyja palityki z abodvuch bakoŭ tolki padlivajuć aleju ŭ ahoń, zamiest taho, kab znachodzić kampramisy.
Ni dla kaho nie sakret, što ŭ Polščy jość hrupa hramadzian, jakija niehatyŭna staviacca da ŭkraincaŭ. Ciapier vyśviatlajecca, što hetki antahanizm ščodra finansujecca z Rasii.
Vyśvietliłasia, što za antyŭkrainskimi akcyjami ŭ Polščy staić hramadzianin Biełarusi (jość navat fota jaho pašparta) Alaksandr Usoŭski. Jamu 48 hadoŭ, rodam ź Biełaazierska.
U 2013 hodzie Usoŭskim u Słavakii zarehistravanaja «Uschodniejeŭrapiejskaja kulturnaja inicyjatyva» (Východoeurópska kultúrna iniciatíva), jakaja pačynaje pošuk srodkaŭ. U vyniku Usoŭski vychodzić na Instytut krain SND, jaki ŭznačalvaje deputat Dziarždumy Rasii Kanstancin Zatulin.
Usoŭski pa-chutkamu nakidaŭ Zatulinu svoj prajekt pa stvareńni parasonavaj prarasijskaj arhanizacyi, jakaja budzie pracavać na Vienhryju, Polšču, Słavakiju i Čechiju. Miesiačny biudžet — $42 tysiačy. U vyniku Usoŭski staŭ pisać Zatulinu analityku pa hetym rehijonie.
Usoŭski staŭ upłyvać na palityčnaje žyćcio Polščy. Naprykład, jon damaŭlaŭsia z Polskaj sialanskaj partyjaj, kab jana ŭklučyła ŭ svaje śpisy na parłamienckich vybarach nacyjanalistaŭ z Obóz Wielkiej Polski. Kab u vyniku stvaryć u Siejmie prarasijskuju hrupu. Na heta Uskoŭski prasiŭ ci mnoha, ci mała — 285 tysiač jeŭra.
U vyniku spadar Usoŭski abzavioŭsia suviaziami z polskimi radykałami pravaha i levaha tołku, jeŭraskieptykami. Prykładna hetak rasijskija śpiecsłužby pracujuć u mnohich krainach Jeŭropy.
Mienavita marhinalnyja polskija arhanizacyi ładzili akcyi suprać ukrainskich uładaŭ, a taksama ŭ padtrymku Navarosii. Na kožnuju takuju akcyju z Maskvy prasili pa 3-4 tysiačy jeŭra — na ŭlotki, ściahi, čaj, buterbrody.
Usia pierapiska Alaksandra Usoŭskaha z pošty vykładzienaja ŭ adkryty dostup. Taksama chakierami ŭzłamany fejsbuk Usoŭskaha. Cikava, što ź pierapiski paŭstaje asoba prarasijskaha błohiera ź Biełarusi Alaksieja Dziermanta, jaki vielmi baicca, što ŭkraincy źlijuć niejkuju infarmacyju na jaho biełaruskim «opam».
«Naša Niva» źviazałasia z asobami, jakija atrymali dostup da pierapiski Usoŭskaha ŭ fejsbuku. Najbližejšym časam jana taksama budzie vykładzienaja ŭ adkryty dostup.
Alaksandr Usoŭski, darečy, vielmi časta kamientavaŭ fejsbuk Alaksieja Dziermanta. Jašče ŭčora hetyja repliki byli na staroncy Alaksieja, ale paśla publikacyi chakieraŭ Dziermant vydaliŭ usie kamientary Usoŭskaha.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu3
Kamientary