Zbornik maje nazyvacca «Atamnaja łučyna».
Jaho centralny tvor — paema pra toje, jak «Janka maryŭ stać atamščykam», iraničnaja fantasmahoryja na temu budaŭnictva AES u Biełarusi.
Jaryła Pšaničny (sapr. Uładzimir Bańko; (1.11.1973 — 19.04.2015) — byŭ siarod samych jarkich pradstaŭnikoŭ paetyčnaha, muzyčnaha i mastackaha andehraŭndu.
Jon pamior raptoŭna — na vychodnych, pajechaŭšy ŭ pasiołak Narač, kab naviedać mahiły dziaduli i babuli.
Uładzimir udzielničaŭ u mnostvie hurtoŭ i prajektaŭ:
«Cage», «Karaoke Vomit», «Baradaty Hrynvič», «Flowervill», «Lucky Luck», «Buślik suprać Kaduka», «Roomdark», «Racyjanalnaja dyjeta», «Generation Skweee», «Kniaź Myškin», pierformier-hrup «Teatr psichičnaje nieŭraŭnavažanaści» i «Śpiecbryhada afrykanskich bratoŭ». Nieadnarazova braŭ udzieł u mastackich vystavach, afarmleńni knih i časopisaŭ.
Asnoŭnaj pracoŭnaj movaj svajoj tvorčaści Jaryła Pšaničny zrabiŭ «trasianku»,
jak časam iranizujuć — «treciuju dziaržaŭnuju movu Respubliki Biełaruś». Hetaja źjava znachodzicca pa-za miežami litaraturnaj normy, a voś Jaryła Pšaničny śviadoma ŭvioŭ jaje ŭ litaraturny ŭžytak. Satyryčnyja, iraničnyja i niea-sacartaŭskija vieršy na «trasiancy» jon spačatku drukavaŭ u anarchisckaj haziecie «Navinki», a paźniej, u 2011 hodzie, vydaŭ knihu pad nazvaj «Piščavyja liški».
«Atamnaja łučyna» — druhaja, paśmiarotnaja kniha Jaryły Pšaničnaha. Jana našmat abjomniejšaja za pieršuju, azdoblenaja hrafičnymi pracami aŭtara i fotazdymkami.
Nazvu knizie dała adnajmiennaja paema, napisanaja ŭ 2010 — 2011 hh. Heta satyryčny vodhuk na ekałahičnyja prablemy sučasnaści, stylizavanaja pad falkłor i fantastyku,
historyja pra toje, jak «Janka maryŭ stać atamščykam. Jaho abraziŭ Niačyścik Djabła, kab skraści vialiki biełaruski sakret, nakiravaŭ u budučyniu i ažaniŭ».
Iranizujučy i z hałoŭnaha hieroja, i ź nievierahodnych situacyj, u jakija jon traplaŭ, u epiłohu Jaryła Pšaničny paŭstaje najbolš udumlivym i surjoznym, a jaho ironija nabyvaje zusim «čornaje» adcieńnie:
Spačatku narod
Kremirujem
A potym djabła
Premirujem.
Paet, vierny svajmu anarchisckamu ampłua, ściabie i biełarusaŭ, i zamiežnikaŭ, i ŭładu, i apazicyju, i hopnikaŭ, i intelihiencyju, i siabie asabista, i, pa vialikim rachunku, samu paeziju.
Ukłaŭ knihu paet i litaraturaznaviec Viktar Žybul, a vydać jaje źbirajecca vydaviectva «Halijafy».
Kniha budzie vydadziena abjomam kala 360 staronak na krejdavanaj papiery, u ćviordaj vokładcy, ź vialikaj kolkaściu ilustracyj, fotazdymkaŭ ź pierformansaŭ i litaraturnych vystupaŭ. Mierkavany nakład — 300 asobnikaŭ.
Jaryła Pšaničny
Kali boh nie papuścić, śvińnia nie ŭkusić
ty chto
vyžabravaŭ sabie drobny chabar
soramna
za hety płytki chłud
treba brać bolej
ahramadnyja
štrafy dziaržavie
zapłaciš pa poŭnaj
praz sud
palaŭničamu
chto schavaŭsia za jełkaj
soramna karalu da abiedu
pacukoŭ nieści
pa krainie hulajuć
dynazaŭry i mamanty
hetych vielmi chočacca
źjeści
21.03.2008
zalacieła ptuška ŭ vuška
mać nie dahladzieła
ŭ vuška ptuška zalacieła
jeści zachacieła
krucicca ŭ hałavie
plaskaje kryłami
što ciapier rabić
razvažajcie sami
jak mnie vyturyć jaje
jak jaje mnie scapać
chaj kaciatka ŭnutry
budzie jaje drapać
i ciapier jany udźvioch
złydni tam siabrujuć
u hałavie majoj
dumki maje psujuć
jak ža vyciahnuć nadvor
ptušku z kacianiatkaj
chutka klikać treba mnie
dobraha ščaniatku
a sabaka biezhałovy
tolki lamantuje
i ciapier jany ŭtroch
hałavoj kirujuć
kab małankaj pabiła
nachabnuju ščaniatku
treba ź lesu vyklikać
peŭna miedźviadziatku
………………….
………………….
………………….
zalacieła ptuška ŭ vuška
mać nie dahladzieła
ŭ vuška ptuška zalacieła
jeści zachacieła
krucicca ŭ hałavie
plaskaje kryłami
što ciapier rabić
razvažajcie sami.
9.04.2008
* * *
dzień rabočyj płavna tajet
nie otvieču na zvanki
z kresła ciažka padymajaś
raspraŭlaju pazvanki
ścichli faksy chruściat baksy
internetu pravada
zakipajet cicha čajnik
zalivajecca vada
napievaja viało pieśniu
vyklučaju komp i śviet
budu zaŭtra tut forvardzić
poštuspama mnoha let
15.10.2008
* * *
na chalavu ŭ lesie źbiraješ hryby
chavaješ dachody nie płaciš padatki
z huščara za kožnym krokam sočać mienty
sprytna nadzień nividzimku-šapku
31.10.2013
Kamientary