U Bieraści abrali łahatyp da 1000-hodździa horada. Takaja infarmacyja raźmieščanaja na aficyjnym sajcie harvykankama, paviedamlaje BIEŁTA.
Konkurs startavaŭ u siaredzinie kastryčnika. Ekśpiertnaja kamisija, u jakuju ŭvajšli mastaki, vykładčyki škoł i VNU, architektary i inšyja kampietentnyja śpiecyjalisty, razhledzieła 23 pracy. Adbor adbyvaŭsia ananimna, žury bačyła tolki eskizy i apisalnuju častku. Pieramožca byŭ vyznačany na vynikovym pasiadžeńni kamisii pad kiraŭnictvam staršyni harvykankama Alaksandra Rahačuka. Aŭtaram łahatypa i słohana da tysiačahodździa Bresta stała miascovaja mastačka Hanna Radźko. Prapanavanaja joju simvolika ŭjaŭlaje ź siabie stylizavany varyjant hierba, nazvu horada i ličbu jubileju.
U apisańni svajoj pracy mastačka pakazała, što za asnovu łahatypa jana ŭziała isnujučy hierb Bresta, jaki vykarystoŭvaŭsia na haradskich piačatkach jašče ź siaredziny 16 stahodździa. Jon najlepšym čynam adlustroŭvaje duch mocnaha horada, vartavoha miažy, śviedčyć pra advahu i mužnaść jaho abaroncaŭ. «Vybar łuka z padniataj uharu strałoj — heta danina pavahi historyi i našym prodkam», — patłumačyła jana.
Na dumku śpiecyjalistaŭ, łahatyp atrymaŭsia moładzievym, lohkim. Akramia taho, jon praduhledžvaje vialikuju varyjatyŭnaść vykanańnia. Na dadzieny momant Hanna Radźko raspracavała šeść varyjantaŭ hrafičnaj emblemy, jakaja zakranaje roznyja śfiery haradskoha žyćcia — spartyŭnuju, kulturnuju, patryjatyčnuju i inšyja.
Na dumku arhanizataraŭ prajekta, asnoŭnaja meta konkursu dasiahnutaja. U harvykankamie adznačyli, što padčas jaho praviadzieńnia haradžanie prajavili tvorčuju inicyjatyvu, prapanoŭvajučy rašeńni, jakija ŭ maksimalnaj stupieni adlustroŭvajuć sučasnaje abličča i tysiačahadovuju historyju Bresta.
Nahadajem, u hałasavańni na sajcie harvykankama doŭhi čas pieramahaŭ dziciačy malunak.
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ1
Kamientary