Treciaje pasiedžańnie «Kłuba vusnaha historyka» budzie pryśviečana temie horada i haradskoj supolnaści. Hetym razam da nas zavitajuć hości z Hrodna.
Pahutarym pra haradskuju identyčnaść i prablemy zachavańnia supolnaści, pra štodzionnaść Hrodna roznych časoŭ i znakamity hrodzienski patryjatyzm.
Zaprošanyja hiistoryki daŭno daśledujuć historyju svajho horada. U vyniku navukoŭcy pryjšli da cikavaj vysnovy: zabiaśpiečyć niepieraryŭnaść haradskoj tradycyi i ŭstojlivaść supolnaści dapamahła pamiać. Mienavita ŭspaminy ludziej nie dajuć raściarušycca hrodzienskaj identyčnaści.
«U adroźnieńnie ad Minska, u jakim adbyvalisia kardynalnyja źmieny ŭ prastory i haradskoj supolnaści, u Hrodna haradskaja kultura, štodzionnaść nie byli razburany całkam, jany zachoŭvajucca i aktualizujucca», — kaža Taćciana Kasataja-Hierasiuk.
Padčas sustrečy navukoŭcy prezientujuć knihu «Zusim inšy horad», što tolki vyjšła z druku. Heta vydańnie — vynik doŭhaj palavoj pracy daśledčykaŭ, jakija apytali vialikuju kolkaść hrodzienskich žycharoŭ, kab znajści žyvuju historyju rodnaha horada.
Mierapryjemstva adbudziecca 31 sakavika ŭ 18.30 u Histaryčnaj majsterni (vuł. Suchaja, 25). Uvachod volny.
Kamientary