Chto vinavaty, kali dzieci zabivajuć siabie i inšych? «Biełsat» zapuściŭ novaje tok-šou

Jakija pryčyny dziciačych samahubstvaŭ? Ci moža nieaściarožnaje słova piedahohaŭ ci baćkoŭ pryvieści da trahiedyi?

9-kłaśnik z Baranavičaŭ Uład Zialony skončyŭ žyćcio samahubstvam paśla prafiłaktyčnaj razmovy z dyrektaram škoły. Zdymačnaja hrupa «Biełsatu» pabyvała ŭ kvatery, dzie zdaryłasia trahiedyja.

Napiaredadni siamju vyklikali na razmovu z sacyjalnym piedahoham. Pryčyna: Uład pabiŭsia z adnakłaśnikam i złamaŭ jamu nos. Uład admaŭlaŭ, što biŭ chłopca ŭ tvar. Paśla adbyłasia hutarka z dyrektaram, jaki pahražaŭ abvinavačanamu padletku kałonijaj. Svajaki chłopca ŭ tym, što zdaryłasia, vinavaciać škołu. Dyrektar Michaił Darašenka ŭ telefonnaj razmovie z «Biełsatam» admoviŭsia kamientavać spravu.

Padobnaja situacyja zdaryłasia ź mienskaju siamjoj Łabanoŭskich. Tut usio pačałosia z taho, što syn admoviŭsia ŭstupać u BRSM. Nastaŭnikam nie spadabałasia, što chłopiec, nie budučy vydatnikam, maje ŭłasnaje mierkavańnie dy i apranajecca nie tak, jak usie. Na adras niepakornaha z boku nastaŭnikaŭ hučali słovy «debił» i «bydła». Ale baćki svoječasova pieraviali syna ŭ inšuju škołu.

Maci školnicy ź Miensku Palina Hrynčanka dadaje, što kali kanflikt zdaryŭsia z kankretnym nastaŭnikam, dzicia možna pieravieści pa im na indyvidualnaje navučańnie, kab nie źmianiać škoły.

A što kali dzicia maje surjoznyja psichałahičnyja prablemy, staić na ŭliku, a lekary nie dajuć baćkam nijakich paradaŭ? Jano moža pryčynić zło nie tolki sabie, ale i ludziam navokał. Jak 17-hadovy student ź Miensku Uład Kazakievič, jaki ź siakieraj i bienzapiłoj zładziŭ kryvavuju raźniu ŭ handlovym centry «Jeŭropa».

U studyju prahramy «Kožny z nas» pahadziŭsia pryjści baćka «chłopca ź bienzapiłoju» Valancin Kazakievič. Što skazaŭ jamu Uład za tydzień da trahiedyi? Hladzicie ŭ tok-šou «Kožny z nas».

Jakija pryčyny dziciačych samahubstvaŭ? Ci moža nieaściarožnaje słova piedahohaŭ ci baćkoŭ pryvieści da trahiedyi? Adkazaŭ na hetyja pytańni ŭ studyi razam z baćkami šukajuć piedahoh, kiraŭnik repietytarskaha centru «100 bałaŭ» Jaŭhien Liviant, siamiejny i dziciačy psichołah Śviatłana Dziadova, piedahoh-arhanizatarAlesia Karolik, staršynia apiakunskaj rady mienskaj himnazii Kryścina Vituška.

«Biełsat» zapuskaje skandalnaje tok-šou z Łabadzienkam u jakaści viadoŭcy

• 0
• 0
• 0
• 0
• 0
• 0