U polskim Lublinie 10 studzienia pačaŭsia sudovy praces pa spravie ab špijanažy. Siarod abvinavačanych — 53-hadovy biełarus, jaki ŭ polskaj presie fihuruje pad imiem Mikałaj M.
Praces pravodzicca ŭ zakrytym režymie: na pieršym pasiadžeńni sud pahadziŭsia z tym, što publičnaje aśviatleńnie padrabiaznaściaŭ spravy ŭ ŚMI moža zakranuć intaresy dziaržavy. Polskaja radyjostancyja RMF24 paviedamiła tolki pra abstaviny zatrymańnia biełarusa i niekatoryja detali sudovaha pracesu.
Viadoma, što havorka idzie pra padziei, jakija adbylisia ŭ pieryjad z 2018 hoda pa 24 lutaha 2023 hoda. Jak adznačajecca ŭ abvinavaŭčym zaklučeńni, pieradadzienym u sud u listapadzie 2024 hoda, Mikałaj M. «ažyćciaŭlaŭ dziejnaść, nakiravanuju na raźviedku rajona vajskovaha aeraporta ŭ Biała-Padlascy» (raźmieščany prykładna za 45 km ad miažy ź Biełaruśsiu).
Pa viersii prakurora, mužčyna źbiraŭ tam infarmacyju pra dziejańni vajskovaj avijacyi, čyhunačnuju infrastrukturu i pieramiaščeńnie ŭ hetym rajonie vajskovaj techniki.
Mužčynu taksama abvinavacili ŭ zbory infarmacyi pra abjekty i transpartnyja srodki ŭ rasparadžeńni Ahienctva ŭnutranaj biaśpieki, jakija raźmiaščajucca i vykarystoŭvajucca ŭ Biała-Padlascy.
Takim čynam, pavodle viersii śledstva, zatrymany «dapamahaŭ śpiecsłužbam Respubliki Biełaruś u dziejnaści, nakiravanaj suprać Polščy».
Sam zatrymany, jak zajaviła pres-sakratarka abłasnoj prakuratury Lublina, jašče na etapie śledstva pryznaŭ siabie vinavatym.
Za špijanaž na karyść zamiežnaj dziaržavy ŭ Polščy, pavodle apošnich źmienaŭ u Kryminalnym kodeksie, možna atrymać turemnaje źniavoleńnie na termin ad 5 da 10 hadoŭ.
Svaju špijonskuju dziejnaść, pa viersii śledstva, biełarus ździajśniaŭ pry sadziejničańni 59-hadovaha miascovaha žychara, hramadzianina Polščy, jaki ŭ ŚMI fihuruje pad imiem Biernard Š. Prakuratura abvinavaciła jaho ŭ «akazańni jamu dapamohi, pradbačačy mahčymaść ździajśnieńnia biełarusam złačynstva špijanažu na karyść Respubliki Biełaruś». Paviedamlajecca, što mužčyna pryznaŭ siabie vinavatym u tym, što arhanizavaŭ znachodžańnie biełarusa ŭ Polščy i zasialiŭ jaho ŭ kvateru. Pad aryšt mužčynu da suda nie źmiaščali, tolki zabaraniŭšy jamu vyjazdžać z krainy i kanfiskavaŭšy z hetaj metaj jahony pašpart.
Aficyjny Minsk infarmacyju pra sudovy praces za špijanaž na karyść Biełarusi ŭ Polščy pakul nie kamientavaŭ.
Rasijskaha špijona z Kanady asudzili ŭ Polščy na 8 miesiacaŭ. Jon sam raskryŭsia spjanu
Rasija znoŭ stvaraje abmienny fond: hramadzianina ZŠA asudzili na 15 hadoŭ za «zbor danych dla sistemy hienietyčnaha skryninhu»
«Ja dumaŭ, što ruskija chutka pieramohuć, ale vyjšła, jak zaŭsiody». Spoviedź idejnaha rasijskaha špijona, jaki atrymaŭ va Ukrainie pažyćciovaje
Rasijskuju špijonku, jakaja źbirałasia spakusić i vykraści žurnalista Hrozieva, pry aryšcie zaśpieli ŭ łožku ź inšym ahientam Kramla
U Litvie aryštavali 82-hadovaha byłoha ssylnaha za špijanaž na karyść Rasii
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu26
Kamientary