Minčuk sa znajomymi skraŭ zaplečnik susieda-piensijaniera z $6 tysiačami, paviedamlajecca na sajcie HUUS Minharvykankama.
U Zavodskaje RUUS Minska pastupiła paviedamleńnie ad žychara rajona ab tym, što nieviadomyja asoby skrali zaplečnik z bujnoj sumaj hrošaj. Paciarpiełym akazaŭsia 76-hadovy mužčyna, jaki ŭ toj dzień źbiraŭsia z synam vyjechać na dačny ŭčastak. Sabraŭšy rečy (try skryni, dźvie sumki i zaplečnik), mužčyna staŭ vynosić ich na vulicu, pakinuŭšy častku la lifta na pieršym paviersie. Viarnuŭšysia ŭ padjezd, mužčyna nie znajšoŭ zaplečnika, u jakim znachodziłasia $6 tysiač.
Supracoŭniki milicyi vyjavili złamyśnikaŭ. Imi akazalisia troje niepracujučych žycharoŭ Minska. Adzin ź ich, 55-hadovy mužčyna, jaki akazaŭsia žycharom kvatery na pieršym paviersie padjezda. Dvoje inšych pryjšli da jaho ŭ hości. Užyŭšy śpirtnoje, adzin sa złamyśnikaŭ nakiravaŭsia na leśvičnuju placoŭku. Ubačyŭšy zaplečnik, zabraŭ jaho, kab pravieryć źmieściva. Vyjaviŭšy bujnuju sumu hrošaj, paśpiašaŭsia da znajomych. Mužčyny paroŭnu padzialili hrošy. U momant zatrymańnia ŭ ich byli vyjaŭlenyja hrašovyja srodki. U vyniku ŭdałosia viarnuć ŭładalniku $5,5 tysiač. Adzin z zatrymanych paśpieŭ vydatkavać častku hrošaj na kuplu mabilnaha telefona i troch kamplektaŭ žanočaj bializny dla svajoj znajomaj.
U dačynieńni da złamyśnikaŭ raspačataja kryminalnaja sprava pa č. 3 art. 205 (kradziež) Kryminalnaha kodeksa.
Kamientary