Ułady Ženievy aficyjna «asłabili maralnyja pryncypy» i dazvolili žančynam kupacca toples
Ułady kantona Ženieva źmianili staroje praviła, kab dazvolić žančynam zaharać i kupacca ŭ Ženieŭskim voziery i race Rona toples. Pra heta paviedamlaje UNIAN sa spasyłkaj na The Local.
Praviła, jakoje zabaraniała kupacca ŭ voziery i rekach kantona, nie budučy apranutym u kupalny kaścium abo płaŭki (dla mužčyn) było ŭviedzienaje ŭ 1929 hodzie. Zychodziačy z hetaha, palicyja mahła štrafavać žančyn, jakija kupalisia abo zaharali toples.
Źmianić situacyju ŭdałosia dziakujučy pietycyi, jakuju padpisali 233 miascovyja žychary. Na dumku aŭtaraŭ pietycyi, staroje praviła źnievažalnaje i niedarečnaje. Pa mienšaj miery, dźvie žančyny minułym letam sutyknulisia z vymovaj ad palicyi. «My asłabim našy maralnyja pryncypy ŭ dačynieńni da vierchniaj častki cieła», — paviedamiŭ kiraŭnik urada kantona Fransua Łanšamp.
U Šviejcaryi niama fiederalnaha zakona, jaki rehuluje publičnaje ahaleńnie. Jano rehulujecca ŭmovami prystojnaści, choć staŭleńnie da hetaha źmianiajecca ŭ zaležnaści ad kantona.
Zaharać i kupacca toples niezvyčajna ŭ mnohich krainach zachodniaha śvietu, uklučajučy Vialikabrytaniju, u toj ža čas, heta zvyčajnaja praktyka dla žančyn u niekatorych častkach Jeŭropy, naprykład u Francyi i Ispanii. U niekatorych krainach, uklučajučy Hiermaniju i Aŭstryju, ličycca narmalnym zaharać całkam aholenaj.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny43
Kamientary