Alaksandr Łukašenka zajaviŭ, što Rasija nie hatovaja da farmiravańnia «sapraŭdnaj» Sajuznaj dziaržavy Biełarusi i Rasii, pra heta jon zajaviŭ u intervju telekanału «Mir».
«My siońnia da hetaha nie hatovyja, i nie stolki biełarusy, kolki rasijanie, rasijskaje kiraŭnictva», — adznačyŭ Łukašenka.
Pavodle jaho słoŭ, krainy pavinny byli pravieści refierendum i ŭstanavić ahulnaje zakanadaŭstva, u tym liku i Kanstytucyju, ale nie zrabili hetaha «u svoj čas». Kiraŭnik Biełarusi zajaviŭ, što krainy «pabrali asobnyja pytańni i pačali ich vyrašać».
Łukašenka dadaŭ, što krainy pavinny vyrašyć pytańnie ab roŭnych umovach dla funkcyjanavańnia vytvorčaści. «Jakija tut roŭnyja ŭmovy, kali my ŭ piać razoŭ atrymlivajem, pradpryjemstvy našy, pryrodny haz daražej, čym Rasija?» - skazaŭ jon.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary