Stvaralnik licij-ionnaha akumulatara raspracavaŭ novy praryŭny typ batarei
Daśledniki z Techaskaha univiersiteta ŭ Ościnie pad kiraŭnictvam vynachodnika Džona Hudenafa raspracavali całkam ćviordacielnyja akumulatary.
Jak adznačajuć inžyniery, novaja technałohija ŭ pierśpiektyvie zmoža zamianić licij-ionnyja akumulatary,
adznačajecca ŭ zajavie ŭniviersiteta.
Mienavita Džon Hudenaf z suaŭtarami ŭ 1983 hodzie prapanavali vykarystoŭvać kabaltyt liciju ŭ jakaści katoda ŭ licij-ionnym akumulatary. Hetaja technałohija vykarystoŭvajecca i ciapier, choć 94-hadovy prafiesar z kalehami ŭžo raspracavaŭ novy typ akumulataraŭ.
«Cana, biaśpieka, ščylnaść enierhii, chutkaści zaradu i razradu i praciahłaści cykłu źjaŭlajucca krytyčna važnymi dla batarej kiravanych aŭtamabilaŭ. My ličym, što naša adkryćcio vyrašaje mnohija z prablem, jakija ŭłaścivyja sučasnym batarejam», - skazaŭ Hudenaf.
Daśledčyki prademanstravali, što novyja akumulatarnyja elemienty sa šklanym elektralitam pa mienšaj miery ŭ try razy pieraŭzychodziać pa ščylnaści enierhii sučasnyja licij-ionnyja batarei. Prymianieńnie anoda z ščołakavych mietałaŭ zabiaśpiečvaje ekspłuatacyjnuju stabilnaść: u ekśpierymientach pratatyp novaha akumulatara paśpiachova vytrymaŭ bolš za 1200 cykłaŭ pierazaradki.
Akramia taho, novaja technałohija tańniejšaja i dazvalaje ŭžyvać u batarejach ščołakavyja mietały biez ryzyki, što batareja zaharycca.
«Šklanyja elektrality dazvalajuć zamianić licij tannym natryjem, jaki zdabyvajecca z ahulnadastupnaj marskoj vady», - udakładniaje adzin z suaŭtaraŭ vynachodki.
Kamientary