Šaściora paciarpiełych pasažyraŭ ciahnika Maskva-Brest, jaki prybyŭ siońnia ŭ Minsk, nakiravanyja ŭ kliniki Minska. Usie - hramadzianie Rasii, paviedamiŭ karespandentu BiełTA vykanaŭca abaviazkaŭ staršyni Kamiteta pa achovie zdaroŭja Minharvykankama Dźmitryj Čaradničenka.
«U ciahniku Maskva-Brest znachodzilisia 9 pasažyraŭ, jakim była treba miedycynskaja dapamoha. Šaściora ź ich - hramadzianie Rasii - byli nakiravanyja na lačeńnie ŭ kliniki Minska, - skazaŭ jon. - Stan piacioch ź ich aceńvajecca jak lohkaj stupieni ciažkaści - u asnoŭnym heta zakrytyja čerapna-mazhavyja traŭmy lohkaj stupieni i ŭdary miakkich tkanin. U šostaj pasažyrki - zakryty pierałom kostak halonki, miedyki acanili stupień ciažkaści stanu jak siaredni».
Try pasažyry praciahnuli svoj šlach dalej pa maršrucie ruchu ciahnika. Adzin hramadzianin Biełarusi vyjdzie ŭ Baranavičach: jon admoviŭsia ad špitalizacyi, ale na stancyi mužčynu sustrenuć miedyki. Hramadzianie Rasii - žančyna ź dziciem - praciahnuli svoj šlach da kančatkovaha prypynku ŭ Breście - tam ich taksama sustrenuć i ahledziać miedycynskija rabotniki.
Na momant publikacyi było viadoma, što ŭ špitalach Maskvy zastajucca dva biełarusy, paciarpiełyja padčas načnoj avaryi ciahnikoŭ. Hetyja źviestki paćvierdziła «Svabodzie» MZS Biełarusi.
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary