U Jehipcie ŭ vyniku vybuchaŭ, jakija adbylisia kala dźviuch kopckich pravasłaŭnych cerkvaŭ, zahinuli bolš za 30 čałaviek. Vybuchovyja pryłady, pavodle źviestak jehipieckich uładaŭ, pryviali ŭ dziejańnie terarysty-śmiarotniki.
Pieršy vybuch adbyŭsia ŭ carkvie Mar-Hirhis u jehipieckim horadzie Tanta na poŭnač ad Kaira. U Tancie zahinuli 26 čałaviek, 71 atrymaŭ ranieńnie.
Praź niekalki hadzin druhi vybuch adbyŭsia la kopckaj carkvy ŭ Aleksandryi. Pavodle Ministerstva achovy zdaroŭja Jehipta, u Aleksandryi zahinuli 11 čałaviek, 66 paranienyja.
At least 15 people killed in blast at a church in Egypt's Tanta city, sources say https://t.co/IShkeTStj7
— Al Jazeera English (@AJEnglish) April 9, 2017
Pavodle źviestak jehipieckich ŚMI, paviedamlaje CNN, u carkvie ŭ Aleksandryi ŭ momant vybuchu znachodziŭsia kiraŭnik Kopckaj pravasłaŭnaj carkvy patryjarch Fiodar II (Tavadras II). Jon nie paciarpieŭ.
Vybuchi ŭ kopckich cerkvach u Jehipcie adbylisia ŭ toj momant, kali ŭ ich sabralisia vierniki na nabaženstvy ŭ honar Vierbnaj (Palmavaj) niadzieli.
Adkaznaść za terakty pakul nie ŭziała na siabie nivodnaja z ekstremisckich hrupovak. U śniežni za vybuch u carkvy ŭ Kairy adkaznaść ŭziali na siabie bajeviki, źviazanyja z terarystyčnaj «Isłamskaj dziaržavaj».
Kamientary