«Na trecija sutki aryštu adzin z ruskamiraŭcaŭ skazaŭ: «Nu nafih tuju Rasiju!»
Apieratar «Biełsata» Alaksandr Barazienka raskazaŭ, što padčas aryštu znachodziŭsia ŭ adnoj kamiery z Alaksiejem Hałavinym — udzielnikam kolišniaha pikieta ŭ padtrymku «ruskaha śvietu». Nahadajem, toj razam ź siabram byŭ zatrymany padčas Dnia Voli pry trahikamičnych abstavinach.
«Kali ja ŭzhadaŭ, chto taki spadar Hałavin, my pačali razmaŭlać pra «NOD» (tak zvanaje impierskaje «Nacionalno-Osvoboditielnoje Dvižienije» — Red.). Jon usialak kazaŭ, što dačynieńnia da NODa nie maje. Nibyta adzin z udzielnikaŭ akcyi prosta prypisaŭ jaje NODu», — adznačyŭ Barazienka.
Taksama jon zhadaŭ, što, aproč Hałavina, ź im u kamiery siadzieŭ jašče adzin prychilnik «ruskaha śvietu» (najchutčej — Siarhiej Łanavienka, zatrymany razam z Hałavinym. — Red.).
I toj «na trecija sutki vyrašyŭ: «Nu nafih tuju Rasiju, treba ŭvohule valić adsiul, pažadana ŭ Polšču!»
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje2424
Kamientary