Padčas vučeńniaŭ na Viciebščynie zaŭvažany bajavy kvadrakoptar
Udarny bieśpiłotny latalny aparat (BPŁA) byŭ pakazany ŭ efiry prahramy «Arsienał» biełaruskaha «VajenTB». Choć raniej hety aparat nie demanstravaŭsia publicy, jahonaje źjaŭleńnie anijak nie było prakamientavana ŭ efiry.
Nakolki vidać na skrynšocie ź videa, bieśpiłotnik uzbrojeny paraj reaktyŭnych hranatamiotaŭ ci ahniamiotaŭ, identyfikavać jakija ciažka.
U pačatku sakavika Dziaržaŭny vajenna-pramysłovy kamitet paviedamlaŭ, što 558-y avijacyjny ramontny zavod pakaža na vystavie «LIMA-2017» u Małajzii «šyrokuju liniejku bieśpiłotnych latalnych aparataŭ», jak samalotnaha typu, hetak i «viertykalnaha ŭźlotu i pasadki (typu kvadrakoptar)». Ale isnujučy bieśpiłotny kvadrakoptar «Šeršań» nie padobny na pakazanuju mašynu.
Prademanstravanyja kadry ilustravali sumiesnyja vučeńni biełaruskich parašutystaŭ ź Sił śpiecyjalnych apieracyj i roty rasiejskich desantnikaŭ u Viciebskaj vobłaści. Razam ź imi ŭdzielničaŭ śpiecyjalny atrad chutkaha reahavańnia Unutranych vojskaŭ MUS Biełarusi. Vučeńni adbyvalisia 11-13 krasavika.
«Pra nacyjanalnuju prynaležnaść drona ničoha nie paviedamlajecca, adnak adznačym, što ŭ pieraliku rasiejskich padraździaleńniaŭ, jakija ŭdzielničali ŭ vučeńni, padraździaleńni BPŁA nie zhadvalisia», — piša biełaruski niezaležny błoh, jaki śpiecyjalizujecca na prablemach nacyjanalnaj biaśpieki.
U 2017 hodzie adnym z pryjarytetaŭ biełaruskaj vajskovaj pramysłovaści nazvanaja raspracoŭka bieśpiłotnych latalnych aparataŭ, jakija ciapier vykarystoŭvajucca amal u kožnym uzbrojenym kanflikcie. Pieršym bujnym kanfliktam, u jakim BPŁA šyroka vykarystoŭvajucca dla vyviedki ikarektyroŭki artyleryjskaha ahniu z abodvuch bakoŭ, stała vajna na Danbasie.
Taksama ŭ studzieni staršynia Dziaržaŭnaha vajenna-pramysłovaha kamitetu Siarhiej Huruloŭ kazaŭ, što ŭ 2017 hodzie płanujecca vyprabavać hranatamiot biełaruskaj vytvorčaści.
«My ŭ hetym hodzie budziem vypraboŭvać ułasny hranatamiot, supraćtankavy rakietny kompleks», — skazaŭ tady čynoŭnik.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary