U Breście zapracavała krama nacyjanalnaha adzieńnia i suvieniraŭ «Kniaź Vitaŭt»
Pakul dla adnych 1 maja było vychodnym dniom, dla ŭładalnikaŭ i pradaŭca «Kniazia Vitaŭta» hetaja data stała kropkaj adliku ich dziejnaści. Ciapier bieraściejcam bolš nie treba budzie jeździć pa nacyjanalnyja suvieniry ŭ Minsk: samaje hałoŭnaje možna nabyć na miescy.
Adčynić kramu z sapraŭdnymi biełaruskimi śvitšotami, majkami, sukienkami dy posudam vyrašyŭ Siarhiej Bachun ź siabrami-adnadumcami Aleham i Siarhiejem.
«Ja vyras i sfarmiravaŭsia ŭ Breście, udziačny horadu za toje, što ja razmaŭlaju pa-biełarusku. Ale kryŭdna, što nacyjanalnyja tradycyi tut amal nie padtrymlivajucca: niama biełaruskamoŭnych škoł i hetak dalej. Pryjazdžaješ u Brest i nie razumieješ, ci ty ŭ zachodniaj Biełarusi, ci niedzie jašče. Pachvalicca dobrym vybaram suvieniraŭ dla turystaŭ jon taksama nie moh: tut možna było ŭbačyć niešta kitajskaje, rasijskaje, ale tolki nie biełaruskaje. My parailisia ź siabrami i amal adrazu vyrašyli zapoŭnić hety prabieł», — raspavioŭ «NN» Siarhiej Bachun.
Nie adkładajučy spravu ŭ dalokuju skryniu, chłopcy adrazu zanialisia zboram patrebnych dakumientaŭ i vybaram miesca. Z apošnim pašancavała: na papularnaj Savieckaj vulicy kropku vyzvalali inšyja pradprymalniki, jakuju ciapier i budzie zajmać kamanda «Kniazia Vitaŭta». Kudy bolš času pajšło na toje, kab vyznačycca z nazvaj. Ale, uličvajučy, nakolki značnaj histaryčnaj asobaj dla hetych miaścin byŭ Vitaŭt, u vyniku ŭsie syšlisia na hetym varyjancie.
Krama budzie pracavać štodzionna z 10.00 da 20.00. Ciapier tam možna nabyć adzieńnie ad takich brendaŭ, jak «HONAR», «LSTR», Symbal.by, suvieniry vytvorčaści Vitaem.by dy miascovych ramieśnikaŭ, aŭtarskija zakołki dy ŭpryhožvańni ad «Pryhožy aniołak». U budučyni biznesmieny chočuć pradavać u siabie i knižki.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary