18-hadovy chłopiec ź Mieksiki Chulian Ryas Kantu vynajšaŭ stanik, jaki vyjaŭlaje simptomy raku hrudziej. Stanik dla samadyjahnostyki źmiaščaje kala 200 sensaraŭ, jakija vyjaŭlajuć samyja pieršyja prykmiety chvaroby. Heta vynachodnictva ŭ pierśpiektyvie zmoža vyratavać žyćci miljonaŭ žančyn va ŭsim śviecie.
Stvaryć taki stanik padletka natchniła historyja chvaroby jaho maci, jakaja niekalki hadoŭ zmahałasia z rakam, i ŭ vyniku joj vydalili hrudzi.
Stanik dastatkova nasić raz na tydzień. Sensary adsočvajuć asnoŭnyja charaktarystyki hrudziej, takija jak koler, tempieratura i tekstura, a potym stanik dasyłaje ich na smartfon i apracoŭvaje dadzienyja z dapamohaj niejronnych sietak.
Padletak užo stvaryŭ ułasnuju kampaniju Higia Technologies, jakaja pieramahła na konkursie Global Student Entrepreneur Awards i atrymała pryz u pamiery 30 tysiač dalaraŭ.
Rak hrudziej — surjoznaja prablema dla žančyn va ŭsim śviecie, u tym liku siarod biełarusak. Zhodna z dadzienymi Ministerstva achovy zdaroŭja, zachvorvalnaść na rak hrudziej pavialičyłasia z 27 vypadkaŭ na 100 tysiač nasielnictva ŭ 2000 hodzie da 45,9 vypadkaŭ na 100 tysiač nasielnictva ŭ 2015 hodzie. U 2015 hodzie ŭ Biełarusi było praviedziena 12633 apieracyj na małočnaj załozie, siarod ich 151 apieracyja dziaŭčynkam va ŭzroście da 18 hadoŭ.
-
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
-
Vučonyja raskazvajuć, jak prostaja źmiena ŭ racyjonie charčavańnia moža palepšyć stan skury i imunitet
-
Zirnicie, jak schudnieŭ były dziaržsakratar ZŠA Majk Pampiea. Voś jak heta było
Pamiatajecie pravakatara i danosčyka Jaŭhiena Kakojta? Jon ciapier taksama palitviazień13
Kamientary