RUP «Biełkartahrafija» vypuścić sieryju kart na zamiežnych movach, paviedamlaje BIEŁTA sa spasyłkaj na Dziaržaŭny kamitet pa majomaści.
Ilustravanyja karty buduć pryznačanyja dla vykarystańnia pry vyvučeńni zamiežnych moŭ va ŭstanovach adukacyi Biełarusi. Pieršaj z hetaj sieryi płanujecca vydać kartu Vialikabrytanii na anhlijskaj movie. Raboty pa jaje stvareńni ŭžo viaducca.
«U 2017 hodzie pradpryjemstva «Biełkartahrafija» praciahnie pašyrać asartymient kartahrafičnaj pradukcyi. Bolšaja častka navinak budzie aryjentavanaja na masavaha spažyŭca, darosłych i dziaciej», — zapeŭnili ŭ Dziaržkammajomaści.
Tak, sioleta rychtujecca da vydańnia «Atłas aŭtamabilnych daroh Jeŭropy», viaducca raboty pa stvareńni padrabiaznaha «Atłasa śvietu». U bližejšy čas «Biełkartahrafija» adpravić u druk kartu»Zamki Biełarusi», jakaja ŭtrymlivaje infarmacyju pra zamki, što isnujuć i isnavali raniej na terytoryi krainy.
Pieršym ź sieryi turystyčnych atłasaŭ abłasnych centraŭ składzieny i ŭžo rychtujecca da vydańnia «Minsk. Atłas turysta». Zaviaršajucca raboty pa stvareńni atłasaŭ «Viciebskaja vobłaść», «Bresckaja vobłaść».
Dziciačy asartymient dapoŭniła składanaja karta «Padarožničajem pa Minsku». Na joj u dastupnaj formie padadzienaja infarmacyja pra histaryčnyja i kulturnyja słavutaści Minska, abjekty adpačynku i zabavy stalicy.
Jašče adna padrychtavanaja «Biełkartahrafijaj» dziciačaja karta — «Maja Radzima — Biełaruś» — drukujecca na dźviuch movach: ruskaj i biełaruskaj. Z dapamohaj jarkich ilustracyj na joj adlustravanyja najvažniejšyja architekturnyja i pryrodnyja słavutaści Biełarusi, pakazanyja areały raśsialeńnia biełaruskich plamionaŭ, źmieščanaja infarmacyja pra vybitnych dziejačaŭ krainy, naniesienyja centry ramiostvaŭ i inšaja infarmacyja, jakaja dazvalaje spaznać svoj kraj.
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary