Ministr abarony Andrej Raŭkoŭ raspavioŭ žurnalistam ab padrabiaznaściach novaj kancepcyi parada. Pavodle jaho słoŭ, paradak praviadzieńnia mierapryjemstva budzie tradycyjnym, ale hledačoŭ čakajuć niekatoryja novaŭviadzieńni.
«Budzie pavialičana kolkaść piešych karobak paradnych raźlikaŭ za košt asobnych miechanizavanych bryhad i terytaryjalnych vojskaŭ, pavialičana kolkaść karobak miechanizavanaj kałony — ich kolkaść, pa našych papiarednich raźlikach, składzie kala 220 adzinak techniki», - adznačyŭ Andrej Raŭkoŭ.
Navinki biełaruskaj abaronki buduć pradstaŭleny bajavymi braniravanymi mašynami «Kajman» i V1, radyjorelejnymi stancyjami, mabilnymi zienitnymi artyleryjskimi kompleksami 2K20 «Zienit», vyratavalnaj i miedycynskaj technikaj. «U poŭnym składzie budzie ŭdzielničać eskadrylla z 12 viertalotaŭ Mi-8MTV-5, kančatkovuju zakupku jakoj my zaviaršyli ŭ mai», - źviarnuŭ uvahu kiraŭnik viedamstva.
Haściami parada stanuć pradstaŭniki Zachodniaj vajskovaj akruhi Rasii. Na viertalotach KA-52, samalotach Su-27 i Su-34 jany ŭvojduć u skład pavietranaha ešałona.
Paśla zakančeńnia parada častku techniki vyrašana pakinuć na vulicach Minska, kab haradžanie i hości stalicy zmahli razhladzieć zblizku i pamacać jaje. Akramia taho, u Dzień Niezaležnaści ŭ horadzie budzie demanstravacca najnoŭšaja hramadzianskaja technika, jakaja vyrablajecca ŭ Biełarusi.
Pry hetym, padkreśliŭ Andrej Raŭkoŭ, parad nie budzie šarahovym, pakaznym mierapryjemstvam. Repietycyi da parada buduć prachodzić u štatnym režymie. «Usie vydatki na praviadzieńnie paradu ŭniesieny ŭ tyja asihnavańni, jakija vydzieleny Uzbrojenym Siłam. Biudžet nie pavialičycca», - dadaŭ ministr.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam7
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary