U chodzie sumiesnaj pres-kanfierencyi z prezidentam Rasii Uładzimiram Pucinym prezident Francyi Emaniuel Makron adkazaŭ na pytańnie pra toje, čamu ŭ jaho pieradvybarčy štab nie puścili žurnalistaŭ rasijskich vydańniaŭ Sputnik i RT (Russia Today).
Pa słovach Makrona, jon zachoŭvaje vydatnyja adnosiny z zamiežnymi žurnalistami, ale, «kali orhany ŚMI raspaŭsiudžvajuć biessaromnuju chłuśniu, heta ŭžo nie žurnalisty». Francuzski lidar, u pryvatnaści, nazvaŭ Sputnik i RT «orhanami pa akazańni ŭpłyvu», jakija raspaŭsiudžvali «chłuśniu» pra jaho asabista i jaho kampanii.
«Russia Today i Sputnik pavodziać siabie nie jak presa, a jak ahienty ŭpłyvu i orhany prapahandy, pryčym iłžyvaj prapahandy», - zajaviŭ francuski lidar.
Voś videa pytańnia i adkazu:
Tamu, pa jaho słovach, žurnalistaŭ hetych ŚMI nie puścili ŭ jaho pieradvybarčy štab. U zaklučeńnie Makron dadaŭ, što pa hetym pytańni «jon nie maje namieru sastupać».
Padčas pres-kanfierencyi Pucin nie staŭ kamientavać słovy Makrona. Paźniej pres-sakratar prezidenta Dźmitryj Piaskoŭ pieradaŭ mierkavańnie Kramla pra pazicyju prezidenta Francyi. «My nie zhodnyja z takoj acenkaj», — skazaŭ Piaskoŭ ria.ru.
Kamientary