Lidar haradzienskaha BNF padaŭ u sud na dziaržaŭnaje telebačańnie
Vadzim Sarančukoŭ, staršynia haradzienskaj haradzkoj arhanizacyi BNF, namierany abaraniać praz sud honar, hodnaść i dziełavuju reputacyju.
Haradzienskaje abłasnoje telebačańnie jašče 17 krasavika pakazała ŭ efiry videasiužet «Maršam u nikudy». Paśla hety siužet byŭ źmieščany na aficyjnym sajcie telekanała, a taksama na servisie Youtube.
Pavodle Sarančukova, videasiužet pakazali biez ukazańnia aŭtarstva, a infarmacyja raspaŭsiudžanaja ŭ im nie adpaviadaje sapraŭdnaści. Sarančukoŭ śćviardžaje, što źniatyja kadry ŭ siužecie chutčej nahadvajuć aperatyŭnyja zdymki supracoŭnikaŭ pravaachoŭnych orhanaŭ, a nie pracu žurnalistaŭ.
— Ja adrazu padaŭ skarhu ŭ prakuraturu — vorhan, jaki pavodle zakanadaŭstva, abaviazany sačyć za vykanańniem zakonnaści ŭ krainie, ale ŭ adviedzienyja zakonam terminy adkazu adtul nie atrymaŭ. U mianie zastałosia jašče prava źviarnucca ŭ sud. I ja jaho vykarystaŭ, pakolki pakazany siužet pa abłasnym telebačańni źnievažaje moj honar, hodnaść i dziełavuju reputacyju.
Vadzim Sarančukoŭ namierany dajści da samaj vysokaj sudovaj instancyi.
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary