Вадзім Саранчукоў, старшыня гарадзенскай гарадзкой арганізацыі БНФ, намераны абараняць праз суд гонар, годнасьць і дзелавую рэпутацыю.
Гарадзенскае абласное тэлебачаньне яшчэ 17 красавіка паказала ў эфіры відэасюжэт «Маршам у нікуды». Пасьля гэты сюжэт быў зьмешчаны на афіцыйным сайце тэлеканала, а таксама на сэрвісе Youtube.
Паводле Саранчукова, відэасюжэт паказалі без указаньня аўтарства, а інфармацыя распаўсюджаная ў ім не адпавядае сапраўднасьці. Саранчукоў сьцьвярджае, што зьнятыя кадры ў сюжэце хутчэй нагадваюць апэратыўныя здымкі супрацоўнікаў праваахоўных органаў, а не працу журналістаў.
— Я адразу падаў скаргу ў пракуратуру — ворган, які паводле заканадаўства, абавязаны сачыць за выкананьнем законнасьці ў краіне, але ў адведзеныя законам тэрміны адказу адтуль не атрымаў. У мяне засталося яшчэ права зьвярнуцца ў суд. І я яго выкарыстаў, паколькі паказаны сюжэт па абласным тэлебачаньні зьневажае мой гонар, годнасьць і дзелавую рэпутацыю.
Вадзім Саранчукоў намераны дайсьці да самай высокай судовай інстанцыі.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары